گوگل نیوز پر ہمیں فالو کریںاسلام آباد: تھانہ گولڑہ شریف کے علاقہ سیکٹر ڈی 12 میں واقع فلیٹ میں دو دوستوں میں جھگڑے اور فائرنگ کے تبادلے سے ایک نوجوان موقع پر جاں بحق جبکہ دوسرا شدید زخمی ہوگیا۔
واقعہ سوموار 3 مئی 2021ء کو دو بجے کے قریب پیش آیا۔ ذرائع کا کہنا ہے کہ فیصل اور آصف نامی دو نوجوان ڈی بارہ سیکٹر میں واقع فلیٹ میں دو لڑکیوں کے ہمراہ موجود تھے کہ اسی دوران ان کا کسی بات پر جھگڑا ہوگیا جس کے بعد دونوں نے ایک دوسرے پر فائرنگ شروع کر دی۔
فائرنگ کے نتیجے میں فیصل ولد محمد شریف موقع پر دم توڑ گیا جبکہ آصف شدید زخمی ہوگیا۔ جسے مقامی اسپتال منتقل کرا دیا گیا ہے۔ پولیس نے مقتول کی لاش پوسٹ مارٹم کے بعد ورثاء کے حوالے کرکے واقعہ کی تحقیقات شروع کردی ہے۔
فائرنگ کے وقت فلیٹ میں موجود دو لڑکیوں کو پولیس نے بعدازاں شخصی ضمانت پر گھر روانہ کردیا تھا تاہم پولیس نے لڑکیوں کو اس بات کا پابند کیا تھا کہ جب ان کو تھانے میں طلب کیا جائے گا وہ (خواتین) حاضر ہوں گی۔
یہ بھی پڑھیں: عید کی 10چھٹیوں سے صنعت کو بہت نقصان ہو گا، زبیر موتی والا
