گوگل نیوز پر ہمیں فالو کریںاسلام آباد :آئل اینڈ گیس ریگولیٹری اتھارٹی نے پیٹرولیم ڈویژن کو ایک سمری پیش کی ہے جس میں یکم مئی سے پیٹرولیم مصنوعات کی قیمتوں میں فی لیٹر 44.07 روپے تک کمی کی سفارش کی گئی ہے۔
ذرائع کے مطابق ریگولیٹری اتھارٹی نے پیٹرولیم ڈویژن کو ایک سمری بھجوا دی جس میں پیٹرول کی قیمت میں کم سے کم 20.68روپے کی کمی کا مشورہ دیا گیا تھا۔
سمری میں ہائی اسپیڈ ڈیزل 33.94روپے فی لیٹر اور مٹی کے تیل کی قیمت 44.07روپے فی لیٹر تک کم کرنے کی سفارش کی گئی ہے۔
وزارت خزانہ اوگرا کی سفارشات پر غور کرنے کے بعد قیمتوں میں ردوبدل کافیصلہ کریگی۔
واضح رہے کہ منگل کے روز وزیر اعظم کے مشیر برائے خزانہ ڈاکٹر عبدالحفیظ شیخ نے کہا تھا کہ بین الاقوامی مارکیٹ میں تیل کی قیمتوں میں کمی کے ساتھ توانائی اور سفر کی لاگت میں کمی آئے گی اور حکومت تیل کی قیمتوں میں کمی کا فائدہ عوام تک پہنچائے گی۔
مزید پڑھیں: تیل کی قیمتوں میں تاریخی کمی کے ملکی معیشت پر ممکنہ اثرات و مضمرات
