مالم جبہ کی خوبصورتی سے سجی پشاور زلمی کی آفیشل کٹ لانچ کردی گئی

کراچی : پاکستان سپر لیگ سیزن 6 کیلئے پشاور زلمی کی آفیشل کٹ لانچ کر دی گئی، پاکستان کی خوبصورتی کو دنیا بھر میں نمایاں کرنے کے لئے مالم جبہ کو بھی کٹ میں شامل کیا گیا ہے۔

20 فروری سے شروع ہونے والے پاکستان سپر لیگ کے چھٹے ایڈیشن کے لئے لیے پشاورزلمی نے اپنی آفیشل پلیئنگ کٹ لانچ کردی۔

چیئرمین پشاور زلمی جاوید آفریدی نے مسلسل دوسرے سال پاکستان سپر لیگ کے پورے ٹورنامنٹ کے پاکستان میں انعقاد پر حکومت پاکستان کرکٹ بورڈ اور فینز کو مبارکبادپیش کی ہے۔

پشاور زلمی کے چیئرمین جاوید آفریدی کا کہنا ہے کہ پاکستان سپر لیگ سیزن 6 کے لیے پشاور زلمی جہاں اچھی کارکردگی کے لیے پرامید ہے وہیں ہماری کوشش ہے کہ ہم پاکستان کی خوبصورتی اور ثقافت کو بھی دنیا بھر کے سامنے پیش کریں۔ اسی لئے پشاور زلمی کی آفیشل پلئینگ کٹ میں پاکستان کے خوبصورت ترین مقامات میں سے ایک مالم جبہ کو بھی شامل کیا گیا ہے۔

جاوید آفریدی نے کہا کہ اس سے قبل پشاور زلمی کی اسپیشل ثقافتی کٹ کو بھی پاکستان کی خوبصورتی اور ثقافت کو نمایاں کرنے کے لیے بنایا گیا تھا۔

مزید پڑھیں:حلیمہ سلطان اب پی ایس ایل میچز میں بھی اپنے فن کے جوہر دکھائیں گی

جاوید آفریدی نے کہا کہا کہ مسلسل دوسرے سال پاکستان سپر لیگ سیزن 6 کا پاکستان میں مکمل انعقاد خوش آئند ہے اور وہ پاکستان کرکٹ بورڈ پاکستان کی حکومت ، سکیورٹی ایجنسیز اور سب سے بڑھ کر کرکٹ فینز کو مبارکباد دیتے ہیں۔