گوگل نیوز پر ہمیں فالو کریںاسلام آباد: وفاقی حکومت نے آن لائن تعلیم کی فراہمی میں نجی ادارے کی طرف سے مدد کی پیشکش کا مثبت جواب دیا ہے۔
سماجی رابطے کی ویب سائٹ ٹوئٹر پر اپنے پیغام میں کانسیپٹ لرننگ نامی نجی ادارے نے وفاقی حکومت کو پیشکش کی کہ ہم وزارتِ تعلیم کو تعلیمی چینل / آن لائن تعلیم کی فراہمی میں مدد دے سکتے ہیں۔
نجی ادارے نے اپنے پیغام میں کہا کہ ہمارے پاس چھٹی کلاس سے انٹر تک ڈیجیٹل مواد موجود ہے جبکہ ہماری بہترین صلاحیتیں فزکس، کیمسٹری، ریاضی، حیاتیات اور انگریزی کے علوم میں ہے۔
ادارے کی پیشکش کا مثبت جواب دیتے ہوئے وزیرِ تعلیم شفقت محمود نے کہا کہ آپ ہم سے رابطہ کرسکتے ہیں۔ وزارتِ تعلیم کے جوائنٹ سیکریٹری عمیر جاوید پاک سیکریٹریٹ اسلام آباد میں موجود ہیں۔ ان سے براہِ راست رابطہ کیجئے۔
Please get in touch with Umair Javed, Joint Secretary Ministry of Education, Block C, Pak Secretariat, Islamabad https://t.co/Bgp3KPodPC
— Shafqat Mahmood (@Shafqat_Mahmood) March 25, 2020
