نوشہرہ: پولیس کا سرچ آپریشن4 اشتہاری،4 منشیات فروش اور 10 مشتبہ افراد گرفتار

نوشہرہ: تھانہ نوشہرہ کلاں پولیس نے جرائم پیشہ عناصرکے خلاف سرچ اینڈسٹرائیک آپریشن کے دوران 04 اشتہاری،04 منشیات فروش اور 10 مشتبہ افراد کو گرفتارکرلیا،ملزمان سے اسلحہ برآمد کرلیاگیا۔

تفصیلات کے مطابق ضلع بھرمیں جرائم پیشہ اور سماج دشمن عناصرکے خلاف جاری خصوصی کریک ڈاون کے تسلسل میں تھانہ نوشہرہ کلاں پولیس نے ایس ایچ او جمشیدخان کی قیادت میں کنڈر کے علاقے میں جرائم پیشہ عناصرکے خلاف سرچ اینڈسٹرائیک آپریشن کے دوران4مجرمان اشتہاریوں سمیت04 منشیات فروش رنگے ہاتھوں گرفتارکرلیا۔

مجرمان کے قبضے سے 07کلوگرام چرس برآمدجبکہ 10 مشتبہ افراد کو حراست میں لیا گیا سرچ آپریشن کے دوران گرفتارملزمان سے تین پستول بھی برآمد کیے گئے۔

یہ بھی پڑھیں: کوئٹہ میں ایف سی کی گاڑی کے قریب دھماکے میں 2 افراد جاں بحق، 14 زخمی

گرفتارملزمان میں حضرت علی ولد طاوس ، وزیر شاہ ولدعمران شاہ، اکرام خان ولد دائیم خان ،طارق بخش ولد میر بخش شامل تھے گرفتار ملزمان کو تفتیش کیلئے تھانہ نوشہرہ کلاں منتقل کرکے مقدمات درج کر دئیے گئے۔

ڈسٹرکٹ پولیس آفیسر کاشف ذوالفقار نے پولیس افسران کو احکامات جاری کرتے ہوئے کہا کہ ضلع نوشہرہ سے جرائم پیشہ اورسماج دشمن عناصرکاخاتمہ اولین ترجیح ہے جس کیلئے روزانہ کی بنیاد پر سرچ اینڈ سٹرائیک آپریشنز جاری رکھنے چاہیے۔