گوگل نیوز پر ہمیں فالو کریںلاہور: سابق صدر اور پاکستان پیپلزپارٹی کے شریک چیئرمین آصف زرداری کا کہنا ہے کہ یہ دو ماہ میں الیکشن نہیں کرواسکے اب انتخابات اُس وقت ہوں گے جب میں کرواؤں گا، انہوں نے کہا کہ صبر کا ایسا پھل ملے گا کہ آپ کے سارے دکھ درد ور ہوجائیں گے۔
آصف زرداری نے بلاول ہاؤس لاہور میں سینٹرل پنجاب کے امیدواروں سے خطاب میں کہا کہ یہ دو ماہ میں الیکشن نہیں کرا سکتے، انتخابات تب ہی ہونگے جب میں کرواں گا۔
آصف علی زرداری نے کہا کہ سارے دکھ درد دور ہوجائیں گے،پیپلز پارٹی اور میں نے ہمیشہ جدوجہد کی ہے، کارکن صبر کریں کیونکہ صبر کا وہ پھل ملے گا جس کا آپکو انداز بھی نہیں۔
انہوں نے کہا کہ جن کو سیاست نہیں آتی، ان کے پاس حل بھی نہیں ہوتا، اسی لیے وہ ہونیوالی چیز کو بھی نہیں ہونے دیتے،جن کو سیاست نہیں آتی، ان کے پاس حل بھی نہیں ہوتا، اسی لیے وہ ہونیوالی چیز کو بھی نہیں ہونے دیتے،فوج کا بڑا خرچ نہیں خوامخواہ اس پر پروپیگنڈا کیا جاتا ہے، سیاست میں ہر چیز کو کرنیکا حل موجود ہے۔
مزید پڑھیں:حالات 2018 کے مقابلے میں بہتر، آصف زرداری کا لاہور میں ڈیرے لگانے کا فیصلہ
آصف علی زرداری نے کہا کہ انشا اللہ ملکی معیشت کو سنبھال کر زر مبادلہ کے ذخائر 100ارب ڈالر تک پہنچاؤں گا، میں نے 14برس جیل میں معیشت پر بہت ساری کتب کا مطالعہ کیا ہے، اپنے دور میں ایسے حل دئیے جس کی وجہ سے ہمارے دور میں زر مبادلہ کے ذخائر 24ارب ڈالر ہو گئے تھے۔
