گوگل نیوز پر ہمیں فالو کریںشمالی وزیرستان کے علاقے میر علی میں پاک فوج اور دہشتگردوں کے مابین شدید فائرنگ کا تبادلہ ہوا، اس دوران پاک فوج کے لانس نائیک جمشید خان نے جام شہادت نوش کرلیا۔
آئی ایس پی آر کے مطابق لانس نائیک جمشید خان دہشت گردوں کے خلاف بہادری سے لڑتے ہوئے جام شہادت نوش کرگئے، 28 سال کے لانس نائیک جمشید خان شہید کا تعلق دیر بالا سے تھا۔
آئی ایس پی آر کے جاری کردہ بیان میں کہا گیا ہے کہ علاقے میں دہشت گردوں کے خاتمے کے لیے کلیئرنس آپریشن جاری ہے۔
مزید پڑھیں:بنوں میں پاک فوج کے قافلے پر خودکش حملہ، 9جوان شہید
آئی ایس پی آر کے مطابق سکیورٹی فورسز دہشت گردی کے خاتمے کے لیے پر عزم ہیں، بہادر سپاہیوں کی قربانیاں ہمارے عزم کو مزید مضبوط کرتی ہیں۔
