شمالی کوریا کا جوہری صلاحیتوں کی جانچ کیلئے بیلسٹک میزائل کا تجربہ

سیول: شمالی کوریا نے اپنی جوہری صلاحیتوں کی جانج کیلئے بیلسٹک میزائل کا تجربہ کیا ہے جو بدھ کے روز مشرقی ساحل سے سمندر کی جانب داغا گیا۔

تفصیلات کے مطابق جنوبی کوریا کی فوج کا کہنا ہے کہ شمالی کوریا نے اپنی جوہری قوتیں تیز ترین رفتار سے تیار کرنے کے عزم کے تقریباً 7 روز بعد مشرقی ساحل سے سمندر کی جانب بیلسٹک میزائل داغ دیا جو رواں برس ملک کے ہتھیاروں کے 14ویں بڑے تجربے کی نشاندہی کہی جاسکتی ہے۔

یہ بھی پڑھیں:

برطانیہ میں چاقو بردار شخص کا عید کی نماز کے دوران حملہ

میزائل کا تجربہ جنوبی کوریا کے نو منتخب صدر سک پول کے 10 مئی کو عہدہ سنبھالنے سے 6 روز قبل کیے گئے تجربے کے متعلق جنوبی کورین فوج کا کہنا ہے کہ ہمیں پیانگ یانگ کے ساحلی علاقے میں دوپہر کے قریب میزائل لانچ ہونے کا پتہ چلا تاہم اس کی تکنیکی جزئیات کا تاحال علم نہیں ہوسکا۔ 

خیال رہے کہ شمالی کوریا نے آخری بار 24 مارچ کو ہواسونگ 17 نامی بین البراعظمی میزائل کا تجربہ کیا تھا۔ جاپانی کوسٹ گارڈز کا کہنا ہے کہ محسوس ایسا ہوتا ہے کہ شمالی کوریا نے جو میزائل داغا وہ تکنیکی اعتبار سے بیلسٹک تھا جس کا پراجیکٹائل پہلے ہی گزر جانے کے باعث زیادہ تفصیلات معلوم نہ ہوسکیں۔

پروجیکٹائل کی تکنیکی معلومات بشمول پرواز کی حد ، اونچائی اور دیگر تفصیلات کا علم نہ ہوسکا۔ اس سے قبل شمالی کوریا نے 16 اپریل کو گائیڈڈ ہتھیار فائر کیا تھا جس سے 3 ہفتوں سے بھی کم وقت کے بعد بیلسٹک میزائل کا داغا جانا ملک کی جوہری صلاحیتوں کی جانچ کے مقاصد کو ظاہر کرتا ہے۔