نیوزی لینڈ نے دوسرے ون ڈے میں ویسٹ انڈیز کو شکست دیدی

نیوزی لینڈ نے ویسٹ انڈیز کو دوسرے ون ڈے میں 50 رنز سے شکست دے دی۔

میڈیا رپورٹس کے مطابق بارش سے متاثرہ میچ میں نیوزی لینڈ کی ٹیم ڈَک ورتھ لوئس میتھڈ کے تحت 50 رنز سے کامیاب ہوئی۔ برج ٹاؤن میں کھیلے گئے میچ میں مہمان نیوزی لینڈ کی ٹیم 48.2اوورز میں 212 رنز بنا کر آؤٹ ہو گئی۔

ویسٹ انڈیز کی ٹیم کو 41 اوورز میں 212 رنز کا ہدف ملا۔ ویسٹ انڈیز کی ٹیم 35.3 اوورز میں 161 رنز بنا کر آؤٹ ہو گئی۔

یہ بھی پڑھیں: ‏ ‏

ورلڈ جونیئر اسکواش چیمپئن شپ میں پاکستان نے بھارت کو شکست دیدی

نیوزی لینڈ کی طرف سے فِن ایلن 96 رنز بنا کر نمایاں رہے جب کہ ویسٹ انڈیز کے جیسن ہولڈر نے 3 وکٹیں حاصل کیں۔

نیوزی لینڈ کے ٹم ساؤتھی نے 4 اور ٹرینٹ بولٹ نے3 وکٹیں لیں۔

واضح رہے کہ دونوں ٹیموں کے مابین سیریز ایک ایک میچ سے برابر ہے جبکہ اس کا آخری میچ کل کھیلا جائے گا۔