گوگل نیوز پر ہمیں فالو کریںرمضان المبارک کے دوران پیش کیے جانے والے خصوصی ڈرامہ سیریل ہم تم کے ٹریلرز جاری ہونے کے بعد سے سوشل میڈیا صارفین نے ناخوشی کا اظہار کیا ہے جبکہ اداکار احد رضا میر اس ڈرامے میں مرکزی کردار نبھاتے نظر آئے۔
تفصیلات کے مطابق سوشل میڈیا پر ڈرامہ سیریل ہم تم کو بہت پسند کیا گیا تھا جس میں اداکارہ رمشا خان، سارہ خان اور جنید خان بھی اہم کردار نبھاتے نظرآئیں گے تاہم سجل علی اور احد رضا میر کی علیحدگی کی خبر سامنے آنے پر مداحوں میں انتشار پھیل گیا۔
بالی ووڈ فنکاروں کا رشی کپور کو میوزک ویڈیو میں خراج تحسین
ڈرامہ سیریل ہم تم کا پوسٹر اور ٹیزر ریلیز ہونے کے بعد سے ہی احد رضا میر کے خلاف ناگوار تبصروں کا سلسلہ شروع ہوگیا۔ سوشل میڈیا صارفین نے معروف اداکار کی شکل و صورت پر بھی تنقید کی اور ان کا بائیکاٹ کرنے پر زور دیا۔
بعض سوشل میڈیا صارفین نے کہا کہ ہمیں احد رضا میر کو دیکھنا پسند نہیں، نہ ہی ہمارا خاندان ڈرامہ سیریل ہم تم دیکھے گا۔ بعض صارفین کا کہنا تھا کہ احد رضا میر سجل علی کے بغیر کچھ بھی نہیں ہیں تاہم بعض صارفین نے ان کی تعریف بھی کی۔
دانش نواز کی ہدایت کاری میں بنائے گئے ڈرامہ سیریل ہم تم کو صائمہ اکرم چوہدری نے تحریر کیا ہے جبکہ ڈرامے کی کاسٹ میں محمد احمد، ارجمند رحیم، عدنان جعفر، عظمیٰ بیگ اور منزہ عارف جیسے اداکار شامل ہیں۔
