گوگل نیوز پر ہمیں فالو کریںاسلام آباد: نیشنل الیکٹرک پاور ریگولیٹری اتھارٹی (نیپرا) نے ماہانہ فیول ایڈجسٹمنٹ چارجز کی مد میں 0.64 پیسے فی یونٹ اضافے کی منظوری دے دی ہے۔ نیپرا کے مطابق فیصلے کا اطلاق کے الیکٹرک کے صارفین پر نہیں ہوگا۔
تفصیلات کے مطابق نیپرا نے فروری کے ماہانہ فیول ایڈجسٹمنٹ چارجز کی مد میں 64 پیسے فی یونٹ اضافے کی منظوری دے دی ہے، اور اس حوالے سے باضابطہ نوٹیفکیشن بھی جاری کردیا گیا ہے۔
نوٹیفکیشن کے مطابق سینٹرل پاور پرچیزنگ ایجنسی (سی پی پی اے) نے نیپرا کو 0.6573 روپے فی یونٹ اضافے کی درخواست کی تھی، اتھارٹی نے 30 مارچ 2021ء کو ایف سی اے پر عوامی سماعت کی، اور 64 پیسے فی یونٹ کی منظوری دی۔
یہ بھی پڑھیں : اسٹاک مارکیٹ میں مندی،100انڈیکس 43953.58پوائنٹس کی پست سطح پر بند ہوا
