نیٹو کے وزرائے دفاع کا اجلاس، شام میں ترک فوجی آپریشن پر تنقید

برسلز: مغربی دفاعی اتحاد نیٹو کے وزرائے دفاع نے ترکی کے شمالی شام میں شروع کیے گئے فوجی آپریشن پر تنقید کی ہے۔

غیرملکی خبررساں ادارے کے مطابق شروع ہونے والے وزرائے دفاع کے اجلاس میں شمالی شام کے کردوں کے خلاف ترک فوجی آپریشن کو غیر معمولی فوقیت حاصل رہی۔

دفاعی اتحاد کے سیکرٹری جنرل ژینس اسٹولٹن برگ نے ترک فوجی ایکشن پر ہونے والی گفتگو کو کھلی اور فرینک قرار دیا۔ انہوں نے یہ بھی کہا کہ وزرا میں اتفاق رہا کہ داعش کے خلاف فوجی کارروائیوں میں متحد رہنا ضروری ہے۔

شمالی شام میں سکیورٹی زون کے قیام کی جرمن تجویز کو نیٹو اجلاس کے پہلے دن زیادہ پذیرائی حاصل نہیں ہوئی۔