نیشنل یوتھ ڈویلپمنٹ فاونڈیشن کا قیام عمل میں لارہے ہیں، عثمان ڈار

اسلام آباد : وزیراعظم کے معاون خصوصی عثمان ڈار نے کہا کہ چاہتے ہیں نوجوان اپنا کاروبار شروع کریں،ہمارے نوجوان کاروبار کرنے سے گھبراتے ہیں ،ان کی کوشش ہوتی ہے ڈگری ملتے ہی سرکاری نوکری ملے ،انٹرن شپ پروگرام شروع کررہے ہیں جو نوجوان پروگرام کا حصہ بنیں گے کوشش ہے انہیں وہیں روزگار بھی ملے ۔

نوجوانوں کے مسائل سے متعلق تقریب سے خطاب کرتے ہوئے وزیراعظم کے معاون خصوصی عثمان ڈار نے کہا کہ ہم نے پاکستان کے نوجوانوں سے ایک کروڑ نوکریوں کا وعدہ کیا ہے ،10 لاکھ نوجوانوں نے کامیاب جوان پروگرام کیلئے درخواست جمع کروائی ہیں ۔

انہوں نے کہا کہ وزیراعظم عمران خان نے کچھ عرصہ پہلے ایک کمیٹی بھی بنائی ہے ،کوشش ہے جس جس نے بھی درخواست جمع کروائی ہے اسے پورا کریں ۔ انہوں نے کہا کہ چاہتے ہیں نوجوان اب اپنا کاروبار شروع کرسکیں ،ہمارے نوجوان کاروبار کرنے سے گھبراتے ہیں ،ان کی کوشش ہوتی ہے ڈگری ملتے ہی سرکاری نوکری ملے۔

یہ بھی پڑھیں: وزیر اعظم عمران خان نے ”کامیاب جوان پروگرام” کے لیے اسٹیرنگ کمیٹی قائم کردی

انہوں نے کہا کہ ہنر مند جوان پر بھی کام کیا ہے ،ماضی میں صرف نمبر گیم پر بات کی گئی ،ہمارا سکلز فور آل پہلا پروگرام ہے ۔ انہوں نے کہا کہ 2000 ٹیچرز کو ٹریننگ کیلئے باہر بھیج رہے ہیں ،مدرسوں کے بچوں کو بھی تعلیم کی طرف لاکر ایک نوکریاں دلوانا چاہتے ہیں ۔

انہوں نے کہا کہ آنے والے سالوں میں نوجوان اس سے فائدہ اٹھائیں گے ،انٹرن شپ پروگرام بھی شروع کررہے ہیں ،انشااللہ جو نوجوان انٹرن شپ پروگرام کا حصہ بنیں گے کوشش ہے کہ انہیں وہیں روزگار بھی ملے ۔

انہوں نے کہا کہ ہماری حکومت کی کوشش ہے کہ نوجوانوں کو ترقی دی جائے ،اس کیلئے نیشنل یوتھ ڈویلپمنٹ فاونڈیشن کا قیام عمل میں لارہے ہیں، یہ فاونڈیشن ملک بھر کیلئے ہے۔