گوگل نیوز پر ہمیں فالو کریںاسلام آباد: وفاقی وزیرِ تعلیم شفقت محمود نے ایک صحافی کے سوال کا جواب دیتے ہوئے وضاحت کی ہے کہ قومی نصاب تمام سرکاری و نجی اسکولوں پر نافذ العمل ہوگا۔
سماجی رابطے کی ویب سائٹ ٹوئٹر پر فرحان رضا نامی صحافی نے وزیرِ تعلیم سے سوال کیا کہ کراچی گرامر اسکول سمیت دیگر متمول اسکول کیا آپ کے نصاب کی پیروی کریں گے؟
فرحان رضا نے کہا کہ کتابیں کیا ہوں گی؟ کیا اِس سے طلباء کے آپشنز کم نہیں ہوجائیں گے اور اِس کے معیار کی جانچ پڑتال کیسے ہوگی؟
اس سوال کا جواب دیتے ہوئے وفاقی وزیرِ تعلیم نے کہا کہ ہر ایک کو قومی نصاب کی پیروی کرنا ہوگی۔ اسے پاکستان بھر میں نافذ کیا جائے گا۔ تمام اسکول اس کی پیروی کریں گے چاہے وہ سرکاری ہوں، نجی یا مذہبی اسکول یعنی مدارس۔
وزیرِ تعلیم نے کہا کہ نصاب کے حوالے سے کسی بھی اسکول کو کوئی استثنیٰ حاصل نہیں ہوگا۔ تمام نجی، سرکاری اور مذہبی ادارے اِس کی پیروی کے پابند ہوں گے۔
Everyone will follow. It will be enforced nationwide in ALL schools be they government, private or religious. There will be no exceptions https://t.co/RlXnIxjf1W
— Shafqat Mahmood (@Shafqat_Mahmood) March 22, 2020
یاد رہے کہ اِس سے قبل تحریکِ انصاف کی وفاقی حکومت نے فیصلہ کیا کہ اپریل 2021ء تک پاکستان بھر کے تمام اسکولوں میں ایک ہی نصاب پڑھایا جائے گا۔
ٹوئٹر پرتین روز قبل اپنے پیغام میں وفاقی وزیرِ تعلیم شفقت محمود نے بتایا کہ ہم نے قوم کے متفقہ قومی نصاب کے حوالے سے وزیرِ اعظم عمران خان کو بریفنگ دی۔
مزید پڑھیں: اپریل 2021ء تک اسکولوں میں ایک ہی نصاب پڑھانے کا فیصلہ
