گوگل نیوز پر ہمیں فالو کریںاسلام آباد: وفاقی وزیر داخلہ رانا ثناء اللہ خان نے جمعہ کے روز کہا کہ قومی اسمبلی کے ساتھ ساتھ سندھ اور بلوچستان کی اسمبلیاں بھی رواں سال اگست تک برقرار رہیں گی۔
انہوں نے دعویٰ کیا کہ ’وزیراعلیٰ کے تحلیل کے مشورے سے پنجاب میں عمران خان کا ڈاکو راج ختم ہو گیا ہے‘۔
نجی نیوز چینل سے گفتگو کرتے ہوئے رانا ثناء اللہ نے کہا کہ تحلیل ہونے کے بعد پختونخوا اور پنجاب دونوں اسمبلیوں کے انتخابات 90 روز میں کرائے جائیں گے۔ ”ہم الیکشن لڑیں گے اور جیتیں گے“۔
عام انتخابات کے آپشن کی مخالفت کرتے ہوئے وفاقی وزیر داخلہ نے کہا کہ ہم سندھ اور بلوچستان کی حکومتوں سے اسمبلی تحلیل کرنے کا کیسے کہہ سکتے ہیں۔
رانا ثناء اللہ نے مزید کہا کہ اتحادی جماعتیں اسمبلیاں تحلیل کرنے کے حق میں نہیں کیونکہ یہ ایک غیر جمہوری عمل ہے۔
مزید پڑھیں:سندھ میں بلدیاتی انتخابات سے متعلق الیکشن کمیشن کا تحریری حکمنامہ جاری
انہوں نے مزید کہا کہ ہماری پارٹی میں مضبوط رائے تھی کہ انہیں اسمبلیاں تحلیل کرنے دیں لیکن اگر ایسا ہوتا ہے تو ہم انتخابات کے لیے تیار ہیں۔
