گوگل نیوز پر ہمیں فالو کریںلاہور:پاکستان تحریکِ انصاف کے سینئر مرکزی رہنما و صوبائی وزیر عبدالعلیم خان نے ممتاز ڈرامہ نگار اطہر شاہ خان کی وفات پر تعزیت کا اظہار کرتے ہوئے کہا ہے کہ اطہر شاہ خان کی ملک کیلئے خدمات کو تادیر یاد رکھا جائے گا۔
سماجی رابطے کی ویب سائٹ ٹوئٹر پر اپنے پیغام میں سینئر پی ٹی آئی رہنما عبدالعلیم خان نے کہا کہ ممتاز شاعر اور ڈرامہ نگار اطہر شاہ خان جیدی کی وفات پر دُکھ اور افسوس ہے جبکہ ان کی ڈرامہ اور فلم انڈسٹری کیلئے خدمات تادیر یاد رکھی جائیں گی۔
پیغام میں سینئر رہنما عبدالعلیم خان نے کہا کہ اطہر شاہ خان جیدی کی وفات سے طنز و مزاح کا ایک عہد ختم ہوگیا۔ انہوں نے دُعا کی کہ اللہ تعالیٰ مرحوم کو جوارِ رحمت میں جگہ عطا فرمائے۔
إِنَّا لِلّهِ وَإِنَّـا إِلَيْهِ رَاجِعونَ.
ممتاز شاعر اور ڈرامہ نگار اطہر شاہ خان جیدی کی وفات پر دُکھ اور افسوس ہے۔ ان کی ڈرامہ اور فلم انڈسٹری کیلیے خدمات کو تادیر یاد رکھا جائے گا۔ جیدی کی وفات سے طنز ومزاح کا ایک عہد ختم ہو گیا۔ اللہ مرحوم کو جوار رحمت میں جگہ عطا فرمائے۔— Abdul Aleem Khan (@abdul_aleemkhan) May 10, 2020
اطہر شاہ خان کے انتقال پر وزیرِ اطلاعات شبلی فراز نے بھی افسوس کا اظہار کرتے ہوئے کہا کہ جناب اطہر شاہ خان جیدی کے انتقال پر بہت دکھ اور افسوس ہے جبکہ باکمال فنکار نے اپنے فن سے لوگوں میں قہقہے اور خوشیاں بکھیریں۔
وزیرِ اطلاعات شبلی فراز نے کہا کہ انہوں نے مزاح کو جدت دی۔ ان کے شاندار کردار مداحوں کے ذہن میں ہمیشہ نقش رہیں گے۔ اللہ تعالیٰ ان کو جوارِ رحمت میں جگہ عطا فرمائے۔
جناب اطہر شاہ خان جیدی کے انتقال پر بہت دکھ اور افسوس ہے۔ باکمال فنکار نے اپنے فن سے لوگوں میں قہقہےاور خوشیاں بکھیریں۔انہوں نےمزاح کونئی جدت دی۔ان کے شاندار کردار مداحوں کےذہن میں ہمیشہ نقش رہیں گے۔اللہ تعالی ان کو جوار رحمت میں جگہ عطا فرمائے۔
— Senator Shibli Faraz (@shiblifaraz) May 10, 2020
یاد رہے کہ اس سے قبل پاکستان کے معروف مزاح نگار اور مصنف اطہر شاہ خان عرف جیدی اتوار کے روز فالج کے مرض میں مبتلا ہونے کے بعد کراچی میں انتقال کر گئے۔
رام پور میں پیدا ہونیوالے اطہر شاہ خان اپنے خاندان کے ساتھ 1947 میں ہندوستان سے ہجرت کرکے لاہور پہنچے جبکہ انہوں نے پنجاب یونیورسٹی سے صحافت میں ماسٹر زکیا۔
مزید پڑھیں: نامور مزاح نگاراطہر شاہ خان عرف جیدی انتقال کر گئے
