گوگل نیوز پر ہمیں فالو کریںنانا پاٹیکر کا شمار بالی ووڈ کے سینئر اداکاروں میں کیا جاتا ہے۔ حال ہی میں نانا پاٹیکر نے اپنی وائرل ویڈیو پر خاموشی توڑتے ہوئے معذرت کر لی ہے۔
تفصیلات کے مطابق بالی ووڈ اداکار نانا پاٹیکر نے ایک وائرل ویڈیو میں اپنے ایک مداح کو طمانچہ رسید کردیا۔ سینئر بالی ووڈ فنکار کا کہنا ہے کہ میں اپنی غلطی پر معذرت خواہ ہوں۔
سن 2000 کی دہائی میں مقبول ہونے والی فلم ویلکم کے اداکار نانا پاٹیکر اپنی نئی فلم جرنی کیلئے شوٹنگ کر رہے تھے جہاں ان کے ایک مداح کو تھپڑ مارنے کی ویڈیو کیمرے پر ریکارڈ ہوگئی۔
#WATCH | वाराणसी में फिल्म जर्नी की शूटिंग कर रहे नाना पाटेकर का फैन को थप्पड़ मारते हुए वीडियो वायरल हो गया। फैन नाना पाटेकर संग सेल्फी लेने पहुंचा तो अभिनेता ने गुस्से में उसके सिर पर थप्पड़ मारा। फिल्म की यूनिट के सदस्य ने लड़के की गर्दन पकड़कर भगाया। pic.twitter.com/oU2WrY2Bv1
— Hindustan (@Live_Hindustan) November 15, 2023
بھارتی میڈیا نے دعویٰ کیا ہے کہ جب ایک مداح نے نانا پاٹیکر کے ساتھ سیلفی لینے کی کوشش کی تو بالی ووڈ کے سینئر فنکار نے برہمی کا اظہار کرتے ہوئے مداح کو تھپڑ دے مارا۔
ڈائریکٹر انیل شرما نے اس سے قبل نانا پاٹیکر کے متعلق بھارتی میڈیا کی رپورٹ کو جھٹلا دیا تھا، تاہم نانا پاٹیکر نے وائرل ویڈیو پر ردِ عمل دیتے ہوئے تمام تر معاملے کی وضاحت کی ہے۔
اداکار نانا پاٹیکر کا کہنا ہے کہ ہم نے اپنے آنے والے پراجیکٹ کیلئے ایک شاٹ لیا۔ اپنے ایک ویڈیو پیغام میں انہوں نے کہا کہ ہم نے شاٹ کی شوٹنگ سے قبل ریہرسل بھی کی تھی۔
View this post on Instagram
نانا پاٹیکر کا کہنا ہے کہ ڈائریکٹر نے مجھے آغاز کرنے کا کہا۔ ہم شوٹنگ کر رہے تھے کہ وہ لڑکا اس ویڈیو میں آگیا۔ مجھے علم نہیں تھا کہ وہ کون ہے۔ مجھے ایسا محسوس ہوا کہ وہ ہمارے عملے میں شامل ہے۔
انہوں نے کہا کہ میں نے سین کے مطابق ہی اس لڑکے کو تھپڑ مار دیا اور کہا کہ یہاں سے چلے جاؤ۔ پھر مجھے پتہ چلا کہ وہ نہ تو اداکار تھا اور نہ ہی ہمارے عملے کا حصہ تھا۔
