گوگل نیوز پر ہمیں فالو کریںپاکستان کی معروف مصنفہ عمیرہ احمد کا نیا ڈرامہ جنت سے آگے شروع ہوگیا ہے جس کی کہانی میڈیا انڈسٹری سے تعلق رکھنے والے لوگوں کے گرد گھومتی ہے۔
حسیب حسن کا ہدایت کردہ اور عمیرہ احمد کا تحریر کردہ یہ ڈرامہ میڈیا انڈسٹری سے تعلق رکھنے والے لوگوں کے مسائل کے گرد گھومتا ہے، ڈرامے میں مارننگ شو کی میزبان کو دکھایا گیا ہے کہ کس طرح میڈیا کی وجہ سے اس کی زندگی بدلتی ہے۔
عمیرہ احمد کے نئے ڈرامے ’جنت سے آگے‘ کی کاسٹ سے ملیے
نادیہ خان جو کہ ماضی میں مارننگ شو کی میزبان رہ چکی ہیں وہ اس ڈرامے کی کہانی سے خوش نہیں ہیں اور انہوں نے ایک پروگرام میں عمیرہ احمد کو تنقید کا نشانہ بھی بنایا ہے۔
لیکن اُن کی اس تنقید پر سوشل میڈیا صارفین نے ناراضگی کا اظہار کیا ہے ۔
عمیرہ احمد کے تحریرکردہ اس ڈرامے کی کاسٹ میں کبریٰ خان، گوہر رشید، صبور علی، طلحہ چوہور اور رمشا خان شامل ہیں۔
