گوگل نیوز پر ہمیں فالو کریںاسلام آباد: وزیرِ خارجہ شاہ محمود قریشی نے کہا ہے کہ جنوبی پنجاب کے انتظامی امور میں اولیاء اللہ کی سرزمین ملتان کو نظر انداز نہیں کیا جائے گا۔
سماجی رابطے کی ویب سائٹ ٹوئٹر پر اپنے پیغام میں وزیرِ خارجہ شاہ محمود قریشی نے کہا کہ ملتان جنوبی پنجاب کے انتظامی امور میں نظر انداز نہیں ہوگا، جنوبی پنجاب سیکرٹریٹ ملتان مکمل طور پر فعال ہوگا۔
پیغام میں وزیرِ خارجہ شاہ محمود قریشی نے کہا کہ جنوبی پنجاب سیکرٹریٹ ملتان میں ایڈیشنل چیف سیکریٹری ہفتے میں 3 روز موجود رہیں گے۔ تحریکِ انصاف کا وعدہ پورا کیا جائے گا۔
وزیرِ خارجہ شاہ محمود قریشی نے کہا کہ پی ٹی آئی منشور میں کیے گئے وعدے کے مطابق جنوبی پنجاب کے لوگوں کو انصاف ان کی دہلیز پر مہیا ہوگا۔
ملتان کو جنوبی پنجاب کے انتظامی امور میں نظر انداز نہیں کیا جائے گا-جنوبی پنجاب سیکریٹیریٹ ملتان، مکمّل فعال ہو گا- جہاں ایڈیشنل چیف سیکرٹری ہفتے میں 3 روز موجود رہیں گے- پی ٹی آئی منشور میں کیے گئے وعدے کے مطابق جنوبی پنجاب کے لوگوں کو انصاف ان کی دہلیز پر مہیا ہو گا انشاء اللہ۔
— Shah Mahmood Qureshi (@SMQureshiPTI) July 5, 2020
یاد رہے کہ اس سے قبل وزیر خارجہ شاہ محمود قریشی نے کہا کہ جنوبی پنجاب صوبہ کے خواب کی عملی تعبیر شروع ہوگئی ہے، حکومت جنوبی پنجاب صوبہ بنانے کا وعدہ پورا کرے گی۔
ایک ویڈیو بیان میں3 روز قبل شاہ محمود قریشی نے کہا کہ پنجاب کے جنوبی علاقوں میں رہنے والے لوگوں کو اپنے انتظامی امور کے لئے لاہور کا سفر نہیں کرنا پڑے گا۔
مزید پڑھیں: جنوبی پنجاب صوبے کا وعدہ پورا کریں گے۔شاہ محمود قریشی
