گوگل نیوز پر ہمیں فالو کریںاسلام آباد: صدر ڈاکٹر عارف علوی نے ارکان پارلیمنٹ پر زور دیا ہے کہ وہ بچوں کے حقوق کے تحفظ اور ان پر تشدد کی روک تھام کے لئے معاشرے میں شعور اجاگر کرنے کے لئے اپنا کردار ادا کریں، اس حوالے سے اجتماعی کوششوں کی ضرورت ہے۔
بین الاقوامی انسانی اور بچوں کے حقوق کے دن کی مناسبت سے منعقدہ تقریب سے خطاب کرتے ہوئے صدر مملکت ڈاکٹر عارف علوی نے کہا کہ تمام انسانوں میں کچھ جذبات اور صلاحتیں یکساں ہوتی ہیں، بچوں کا جسمانی، جنسی اور معاشی استحصال انتہائی تکلیف دہ ہے۔
انہوں نے کہا کہ بچوں کی عزت، ان کا تحفظ اور اس کی صلاحیت کے مطابق اسے ماحول فراہم کرنا انتہائی اہمیت کا حامل ہے، صدر مملکت نے کہا کہ بچوں سے مزدوری لی جاتی ہے اور ان کا جنسی استحصال کیا جاتا ہے جو کہ انتہائی تکلیف دہ ہے۔
بچوں کے تحفظ کے حوالے سے قوانین موجود ہیں لیکن ان پر عملدرآمد میں مسائل ہیں۔ انہوں نے کہا کہ والدین بچوں میں اعتماد پیدا کریں تاکہ وہ انہیں اپنے تمام مسائل سے آگاہ کریں۔ انہوں نے کہا کہ بچوں کے حقوق کے تحفظ اور مسائل کے حل کے لئے کمیونٹی کی سطح پر حکمت عملی وضع کرنے کی ضرورت ہے۔
ان کاکہناتھاکہ مساجد کے ذریعے کمیونٹی میں اس حوالے سے آگاہی پید اکی جاسکتی ہے، انہوں نے ارکان پارلیمنٹ پر زور دیا کہ وہ بچوں کے حقوق کے تحفظ اور ان پر تشدد کی روک تھام کے لئے کمیونٹی کی سطح پر اہم کردار ادا کرسکتے ہیں۔
یہ بھی پڑھیں: جسمانی وزن میں کمی کرکے ذیابیطس کے خطرے میں کو کم کیا جاسکتا ہے
