گوگل نیوز پر ہمیں فالو کریںاسلام آباد: وفاقی وزیر برائے منصوبہ بندی و پلاننگ اسد عمر نے کہا ہے کہ کل پاک چین اقتصادی راہداری (سی پیک) میں نئے گروپس کی تشکیل کے لیے معاہدوں پر دستخط ہوں گے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر منصوبہ بندی اسد عمر نے کہا کہ معاہدوں پر دستخط کی تقریب چینی دارالحکومت بیجنگ میں ہوگی جس میں 2 نئے جوائنٹ ورکنگ گروپس کی تشکیل پر معاہدے ہوں گے۔
اپنے پیغام میں وزیر منصوبہ بندی اسد عمر نے کہا کہ جن شعبہ جات پر معاہدے (ایم او یوز) پر دستخط کیے جار ہے ہیں، ان میں زراعت اور سائنس و ٹیکنالوجی شامل ہیں۔
وزیرِ منصوبہ بندی اسد عمر نے کہا کہ یہ عمل سی پیک کو پہلے فیز سے وسعت دینے کا حصہ ہے جس کے دوران انفرااسٹرکچر کو وسعت دے کر معاشی شراکت داری تک لایا گیا۔
MOU's being signed tomorrow in Beijing for establishment of 2 new joint working groups under CPEC, for agriculture and science & technology. This is part of the broadening of CPEC from the first phase which was mainly infrastructure to a much broader economic partnership
— Asad Umar (@Asad_Umar) March 16, 2020
یاد رہے کہ اس سے قبل پاکستان تحریکِ انصاف کے سینئر رہنما اور وفاقی وزیرِ منصوبہ بندی و ترقی اسد عمر نے عوام کو خوشخبری سناتے ہوئے کہا کہ مہنگائی میں مزید کمی ہو گئی ہے۔
ٹوئٹر پر10 روز قبل اپنے پیغام میں وفاقی وزیر منصوبہ بندی اسد عمر نے کہا کہ اِس ہفتے جاری ہونے والی شماریات کے مطابق مہنگائی میں مزید کمی ہوئی۔ روزمرہ استعمال کی اشیائے میں افراطِ زر کم ہوا۔
مزید پڑھیں: اسد عمر نے عوام کو مہنگائی میں مزید کمی کی خوشخبری سنا دی
