گوگل نیوز پر ہمیں فالو کریںٹرانسپورٹ مینوفیکچرنگ کمپنی ہنڈا نے موٹر سائیکل کی قیمتوں میں 1 ہزار 600 روپے سے لے کر 2000 روپے تک اضافہ کردیا ہے۔
تفصیلات کے مطابق ہنڈا موٹر سائیکل 125 کی قیمت میں 2000 روپے تک اضافہ کیا گیا ہے۔ ہنڈا 125 سی سی کی نئی قیمت 1 لاکھ 31 ہزار 900 روپے ہو گئی۔
یہ بھی پڑھیں: ایل پی جی کی قیمت میں 15 روپے اضافہ، نئی قیمت 147 روپے ہوگئی
دوسری جانب ہنڈا کی 70 سی سی موٹر سائیکل کی قیمت میں 1 ہزار 600 روپے کا اضافہ کیا گیا، نئی قیمت 79 ہزار 500 روپے مقرر کی گئی ہے۔
قبل ازیں گزشتہ برس اگست کے دوران بھی ہنڈاکمپنی نے موٹر سائیکل کی قیمتوں میں اضافہ کرتے ہوئے سی ڈی 70 کی قیمت 1000 روپے بڑھا دی تھی۔
سی ڈی 70 کی نئی قیمت یکم اگست 2020ء کو 77 ہزار 900 روپے مقرر کی گئی تھی جو اس سے قبل 76 ہزار 900 روپے میں فروخت ہو رہی تھی۔
یہ بھی پڑھیں: کم بجلی سے چارج ہونیوالی جدید گاڑی پاکستان میں بھی متعارف
