گوگل نیوز پر ہمیں فالو کریںاسلام آباد: پاکستان تحریکِ انصاف کے مرکزی رہنما اور سینیٹر فیصل جاوید خان کی والدہ انتقال کر گئی ہیں جس پر پی ٹی آئی کے رہنما اور کارکنان سوگوار ہو گئے۔
پاکستان تحریکِ انصاف کے مرکزی چیف آرگنائزر سیف اللہ خان نیازی کے مطابق سینیٹر فیصل جاوید کی والدہ کا انتقال وفاقی دارالحکومت میں ہوا جن کی نمازِ جنازہ آج ہی ادا کی جائے گی۔
تحریکِ انصاف کے اراکینِ سینیٹ و اسمبلی،سیاسی رہنما و کارکنان سینیٹر فیصل جاوید خان کو تعزیتی پیغامات بھیج رہے ہیں اور ان کے ساتھ غم کی اس گھڑی میں یکجہتی کا اظہار کر رہے ہیں۔
چیف آرگنائزر تحریکِ انصاف سیف اللہ نیازی نے کہا کہ غم کی اِس گھڑی میں ہم سینیٹر فیصل جاوید اور ان کے خاندان کے غم میں برابر کے شریک ہیں۔ یہ تحریکِ انصاف کیلئے افسوس کا دن ہے۔
سینیٹرفیصل جاوید خان اپنی والدہ کی وفات پر غمزدہ ہیں، تاہم انہوں نے غم کے اِس موقعے پر اللہ کی رضا میں راضی رہنے کا اعلان کردیا ہے جو دکھ کی اِس گھڑی میں ان کے عزم و حوصلے کا اظہار ہے۔
سماجی رابطے کی ویب سائٹ ٹوئٹر پر اپنے پیغام میں سینیٹر فیصل جاوید خان نے اپنی والدہ کی وفات کو اللہ تعالیٰ کی منشاء سے منسوب کرتے ہوئے کہا کہ اللہ تعالیٰ کی مرضی کے خلاف کچھ بھی نہیں ہوسکتا۔
اللہ تعالیٰ کی مرضی کیخلاف کچھ بھی نہیں ہوسکتا
Nothing can happen against the will of ALLAH
— Faisal Javed Khan (@FaisalJavedKhan) May 8, 2020
دوسری جانب پاکستان تحریکِ انصاف کے رکنِ سندھ اسمبلی شہزاد قریشی نے ان سے تعزیت کا اظہار کرتے ہوئے کہا کہ مجھے سینیٹر فیصل جاوید کی والدہ کے انتقال کی خبر پر دلی افسوس ہے۔
رکنِ سندھ اسمبلی شہزاد قریشی نے کہا کہ سینیٹر فیصل جاوید کی والدہ کے انتقال کا انتقال ایک افسوسناک سانحہ ہے۔دُعا کرتے ہیں اللہ تعالیٰ انہیں جنت میں اعلیٰ مقام عطا فرمائے اور لواحقین کو صبرِ جمیل عطا فرمائے۔
شہزاد قریشی کا شکریہ ادا کرتے ہوئے سینیٹر فیصل جاوید خان نے کہا کہ اللہ تعالیٰ کی مرضی کے خلاف کچھ نہیں ہوسکتا۔ دُعا کرتا ہوں کہ اللہ تعالیٰ میری والدہ کی روح کو امن و سلامتی نصیب فرمائے۔
Thank you brother.
Nothing can be done against the will of ALLAH.
May ALLAH rest Ami's soul in peace. https://t.co/qGAxBq5lTO— Faisal Javed Khan (@FaisalJavedKhan) May 8, 2020
