گوگل نیوز پر ہمیں فالو کریںاسلام آباد: پاکستان پیپلز پارٹی کی سینئر مرکزی رہنما و سینیٹر شیری رحمان نے کہا ہے کہ اگر وزیرِ اعظم عمران خان کو 3 سال مزید دئیے گئے تو پاکستان میں کچھ نہیں بچے گا کیونکہ سب کچھ تباہ ہوجائے گا۔
سماجی رابطے کی ویب سائٹ ٹوئٹر پر مقامی اخبار کے ایک کالم پر ردِ عمل دیتے ہوئے سینیٹر شیری رحمان نے کہا کہ پارلیمان میں نامناسب تقریریں ہی نہیں ہوتیں بلکہ ہمارا سوال یہ ہے کہ آپ کے وزیرِ اعظم کو پاکستان تباہ کرنے سے کون روکے گا؟
پیپلز پارٹی کی سینئر رہنما نے کہا کہ اگر وفاقی حکومت کو 3 سال مزید دئیے گئے اور انہوں نے اپنے 5 سال پورے کر لیے تو کچھ باقی نہیں بچے گا کیونکہ معیشت بد سے بد تر ہو رہی ہے، قرضے پہلے سے کہیں زیادہ ہیں اور حکومت مافیاز کو کنٹرول کرنے میں ناکام ہے۔
سینیٹر شیری رحمان نے کہا کہ قومی ائیر لائن (پی آئی اے) کی تباہی جاری ہے جبکہ کشمیر ہمارے ہاتھوں سے نکل چکا ہے۔ بتایا جائے کہ ہمارے پاس باقی کیا ہے؟
Its not only about inappropriate speeches in parliament. Who will stop your PM from destroying Pakistan? Three more years and nothing may be left. Economy is worse, debts r higher,mafias on the rampage, PIA being cannibalised, Kashmir gone, what’s left ?https://t.co/6LTPk8BfWc
— SenatorSherryRehman (@sherryrehman) July 2, 2020
یاد رہے کہ اس سے قبل پاکستان پیپلز پارٹی کی سینئر رہنما اور سینیٹر شیری رحمان نے کہا کہ جس طرح پی آئی اے کو یورپ میں کالعدم قرار دے دیا گیا ہے، مزید ممالک بھی پابندی لگا دیں گے۔
سماجی رابطے کی ویب سائٹ ٹوئٹر پرگزشتہ روز اپنے پیغام میں پیپلز پارٹی کی سینیٹر شیری رحمان نے کہا کہ قومی سطح پر پائلٹس کی نااہلی پر ان کو تصدیقی عمل سے گزارنا قومی سطح پر ہتکِ عزت کا باعث بنا۔
مزید پڑھیں: پی آئی اے پر مزید ممالک بھی پابندی لگائیں گے۔شیری رحمان
