گوگل نیوز پر ہمیں فالو کریںجنیوا: دنیا بھر میں کورونا وائرس کے باعث مزید 111 افراد ہلاک ہو گئے ہیں جس کے نتیجے میں اب تک مجموعی اموات کی تعداد 3 ہزار 497 ہو گئی۔
کورونا وائرس کے باعث متاثر ہونے والے افراد کی تعداد میں بھی اضافہ ہو رہا ہے۔ موجودہ اعدادوشمار کے مطابق وائرس سے 1 لاکھ 2 ہزار سے زائد افراد متاثر ہوچکے ہیں۔
ورلڈ و میٹرز کے مطابق اب تک 1 لاکھ 2 ہزار 257 افراد کورونا وائرس سے متاثر ہوئے جن میں سے 6 ہزار153 افراد کی حالت تشویش ناک ہے۔
وائرس کے باعث متاثر ہونے والے افراد میں سے 57 ہزار659 افراد شفا یاب ہوچکے ہیں جسے ایک حوصلہ افزا صورتحال قرار دیا جارہا ہے۔ وائرس کے تشویشناک کیسز کی تعداد میں بھی کمی آئی ہے۔
ہوبائی نامی چینی صوبے کے شہر وہان میں کورونا وائرس نے سب سے زیادہ افراد کو متاثر کیا جبکہ سب سے زیادہ ہلاکتیں بھی صوبہ ہوبائی میں ہوئیں۔
اب تک 97 ممالک میں کورونا وائرس پائے جانے کی اطلاعات موصول ہوئی ہیں جبکہ وائرس کے باعث اٹلی، ایران، ہانگ کانگ، فلپائن اور یورپ میں بھی ہلاکتیں ہوئیں۔وائرس پاکستان اور ہمسایہ ممالک سمیت امریکا بھی پہنچ گیا ہے۔
یاد رہے کہ اس سے قبل پاکستان کا پہلا کورونا وائرس مریض اس مہلک وائرس سے پوری طرح سے صحت یاب ہوگیا۔یحییٰ جعفری نامی مریض کو جلد ہی اسپتال سے فارغ کردیا جائے گا۔
یحییٰ جعفری کو26 فروری کو کوروناوائرس کے باعث اسپتال میں داخل کیا گیا تاہم مؤثر علاج کے باعث اسے ڈاکٹروں نے اسے صحت مند اور فٹ قرار دے دیا ہے اورانہیں رواں ہفتے ہی اسپتال سے خارج کردیا جائے گا۔
مزید پڑھیں: پاکستان میں کورونا وائرس کا پہلا مریض مکمل طور پر صحت یاب
