گوگل نیوز پر ہمیں فالو کریںلاہور: قومی کرکٹ ٹیم کے سابق آف اسپنر ثقلین مشتاق نے کہا ہے کہ مصباح الحق کو ہیڈ کوچ کے طور پر کام کرنے کا کوئی تجربہ نہیں اس لیے ان کو یہ عہدہ دینے کا فیصلہ قبل از وقت ہے۔
ثقلین مشتاق نے اپنی ایک یو ٹیوب ویڈیو کے ذریعے دئیےگئے پیغام میں کہا کہ مصباح الحق کو کوئی اور عہدہ دیا جائے اور نوجوان کھلاڑی ان کے تجربے سے سیکھیں تاہم انہیں ہیڈ کوچ بنانا ایک بچکانہ فیصلہ محسوس ہوتا ہے۔
یہ بھی پڑھیں:قومی کھلاڑیوں کا پری سیزن کیمپ، کھیل کے لیے سخت ٹریننگ جاری
انہوں نے کہا کہ مصباح الحق نے ایمانداری اور خلوصِ دل سے کرکٹ کھیلی اور قوم کا نام روشن کیا، تاہم ہیڈ کوچ کا عہدہ ان کے لیے مناسب نہیں۔
یاد رہے کہ اس سے قبل مایہ ناز آل راؤنڈر شاہد آفریدی کہہ چکے ہیں کہ بھارت اور مودی حکومت کے لیے ہمارے پختون اور قبائلی بھائی کافی ہیں۔
وزیر اعظم عمران خان کی پکار پر لبیک کہتے ہوئے قومی کرکٹ ٹیم کے سابق کپتان اور مایہ ناز آل راؤنڈر شاہد آفریدی نے فوجی کیپ اور شرٹ پہن کر مزارِ قائد پر یکجہتی کشمیر کے احتجاج میں شرکت کے دوران میڈیا نمائندگان سے گفتگو کرتے ہوئے کہا کہ میں اور میرا خاندان کشمیر کے ساتھ کھڑا ہے۔
مزید پڑھیں: بھارت اور مودی حکومت کے لیے ہمارے پختون اور قبائلی بھائی کافی ہیں۔ شاہد آفریدی
