آئی ایم ایف سے مذاکرات کیلئے وزیرخزانہ مفتاح اسماعیل امریکا روانہ

اسلام آباد:وفاقی وزیرخزانہ مفتاح اسماعیل آئی ایم ایف سےقرضوں کے حصول اور ادائیگی سے متعلق امور پرمذاکرات کیلئے امریکا روانہ ہوگئے۔

امریکا روانگی سے قبل وزیرخزانہ مفتاح اسماعیل کاکہنا تھا کہ پی ٹی آئی حکومت نے آئی ایم ایف پروگرام پٹری سے اتارا،یہ ہماری معیشت کو خطرے میں ڈال رہا ہے، آئی ایم ایف پروگرام کو دوبارہ ٹریک پر لانے کی کوشش کروں گا۔

مفتاح اسماعیل نے کہا کہ خوشی ہے 3 سال بعد ای سی ایل سے نام نکلا ہے، لندن میں نوازشریف سے ملاقات کا موقع ملے گا۔

مزید پڑھیں:وزیر اعظم نے طارق فاطمی کو معاون خصوصی برائے خارجہ امور تعینات کردیا

یاد رہے کہ گزشتہ روزمفتاح اسماعیل نے کہاتھا کہ سابق حکومت نے گیس درآمد کرکے فرٹیلائزر کمپنیوں کو سستے داموں فراہم کی تاکہ ملک کا کسان سستی کھاد خرید سکے لیکن کھاد بیرون ملک اسمگل ہوگئی، وزیر اعظم نے کھاد اسمگلنگ کے معاملے کی انکوائری کرنے کی ہدایت کی ہے، مجھے یہ سمجھ نہیں آیا کہ یہ بدعنوان حکومت تھی یا نااہل، عمران خان نے ایک پیسہ بھی قرض ادا نہیں کیا، یہ وہ حکومت ہے جو بار بار ایل این جی خریدنا بھول جاتی ہے۔

ان کا کہنا تھا کہ گیس سیکٹر کا کوئی سرکلر ڈیٹ نہیں تھا، آج 1500 ارب سے زیادہ کا سرکلر ڈیٹ بتایا گیا ہے، ساڑھے 7 ہزار میگا واٹ پاور پلانٹ بند رکھے گئے ہیں، پانچ ہزار500 میگا واٹ کے پلانٹ پیسے کی کمی اور 2 ہزار میگا واٹ کے بجلی گھر مرمتی کام کے باعث بند رکھے گئے۔