گوگل نیوز پر ہمیں فالو کریںراولپنڈی:آرمی چیف جنرل قمر جاوید باجوہ کی ہدایت پر کورونا وائرس کی روک تھام کیلئے طبی سامان کوئٹہ روانہ کردیا گیا ہے۔
ترجمان پاک فوج میجر جنرل بابر افتخار کے مطابق طبی سامان کی ایمرجنسی سپلائز جن میں پی پی ایز (پرسنل پروٹیکشن ایکوئپمنٹ) بھی شامل ہیں، کوئٹہ روانہ کی جارہی ہیں۔
پاک فوج کے شعبۂ تعلقاتِ عامہ (آئی ایس پی آر) کے مطابق طبی سامان آرمی چیف کی ہدایت پر روانہ کیا گیا تاکہ کوئٹہ میں کورونا وائرس کے خلاف جنگ میں مصروف طبی عملے کی مدد کی جاسکے۔
آئی ایس پی آر کے مطابق آرمی چیف کی خواہش ہے کہ بلوچستان میں طبی عملہ مؤثر انداز میں اپنا کام کرسکے جبکہ کورونا وائرس کے خلاف ڈاکٹر اور پیرا میڈیکل اسٹاف ہمارا ہراول دستہ ہے۔
میجر جنرل بابر افتخار نے کہا کہ دنیا کی ترقی یافتہ ترین اقوام اور حکومتیں کورونا وائرس جیسی عالمی وباء کے باعث شدید مشکلات کا شکار ہیں جبکہ حکومتِ پاکستان وائرس کے خلاف جدوجہد میں مصروف ہے۔
فوج کے شعبۂ تعلقاتِ عامہ (آئی ایس پی آر) کے مطابق حکومت دستیاب ذرائع کے تحت طبی سازوسامان کی دستیابی یقینی بنا رہی ہے جبکہ مشکل کی اِس گھڑی میں ہمیں صبروتحمل کا مظاہرہ کرنا چاہئے۔
“…Most advanced nations / govts are finding it extremely difficult to fight this pandemic. Pakistan Govt is striving hard to acquire & supply the required resources. In this hour of distress we must remain patient and steadfast.” COAS (2/2)
— DG ISPR (@OfficialDGISPR) April 7, 2020
