مریم نواز کا نواسی سے محبت کا اظہار، تحائف خریدے،ویڈیو وائرل

اسلام آباد:پاکستان مسلم لیگ (ن) کی نائب صدر مریم نواز نے سیاسی سرگرمیوں کے دوران بھی اپنی نواسی کیلئے بھی وقت نکال لیا اور چیزیں خریدیں۔

سماجی رابطے کی ویب سائٹ ٹوئٹر پر مریم نواز اپنی نواسی سیرینا کے لیے کھلونے خرید رہی ہیں جبکہ وہ کھلونے اپنی نواسی کو ویڈیو کال کے ذریعے موبائل سے دکھا بھی رہی ہیں۔

Maryam Nawaz specially stopped at a rest area on her way back to Lahore from Bwp to get things for her granddaughter Serena.. Showing her toys on a video call ???? pic.twitter.com/Wih0513MGO

— Sania Ashiq (@SaniaaAshiq) January 4, 2021

ایک اسٹور میں مریم نواز اپنی نواسی سے موبائل فون پر بات کرتے ہوئے کہہ رہی ہیں کہ میں نے آپ کے لیے لال چپس لیے ہیں، آپ دیکھنا چاہتی ہیں؟۔ اس کے بعد مریم نواز اسٹور میں ایک دیوار کی جانب جاتی ہیں جہاں بچوں کا کھلونا ڈاکٹر سیٹ دیوار پر لٹکا ہوا ہے۔

یہاں مریم نواسی کو اپنے موبائل سے اس ڈاکٹر سیٹ کو دکھاتی ہیں اور کہتی ہیں کہ کیا آپ کو ڈاکٹر سیٹ چاہیے، یا پھر آپ کو بس چاہیے؟مذکورہ ویڈیو ثانیہ عاشق نامی ایک خاتون نے شیئر کی اور اس میں انھوں نے لکھا کہ بہاولپور سے لاہور واپس جاتے ہوئے مریم نواز نے راستے میں کہیں رک کر یہ چیزیں خریدی تھیں۔

دوسری جانب خود لیگی نائب صدر نے بھی ٹوئٹر پر اس پیغام کو دوبارہ شیئر کرتے ہوئے اپنے نانی ہونے پر خوشی و مسرت کا اظہار کیا اور اللہ کا شکر بھی ادا کیا۔

کچھ دیر بعد مریم نواز نے سینیٹر پرویز رشید کی گاڑی میں بیٹھے تصویر شیئر کی جس میں وہ چپس کھاتے دکھائی دے رہے ہیں۔مریم نے اس تصویر کے کیپشن میں لکھا کہ پرویز انکل وہ چیز کھارہے ہیں جو میں نے سیرینا کیلئے خریدی تھی۔