گوگل نیوز پر ہمیں فالو کریںلاہور: چیف جسٹس آف پاکستان کے بیان پر پاکستان مسلم لیگ (ن) کی سینئر نائب صدر مریم نواز کا ردعمل سامنے آگیا۔
(ن) لیگ کی رہنما مریم نواز نے سماجی رابطے کی ویب سائٹ ٹوئٹر پر چیف جسٹس عمر عطا بندیال سے سوالات کے انبار لگا دیئے، انہوں نے کہا کہ اربوں کے ڈاکے ڈالنے والے کتنے مجرموں کو آپ ’گڈ ٹو سی یو‘ کہتے ہیں؟ ہر ایک کو رجسٹرار سے فون کروا کے مرسیڈیز بھی منگوا کر رخصت کرتے ہیں؟
چیف جسٹس سے مریم نواز نے سوال کیا کہ کیا ہر ایک کو جیل سے ریسٹ ہاؤس شفٹ کرتے ہیں؟ سب پر اسی طرح ریمانڈ پر ضمانتوں کی برسات کرتے اور یہ کہتے ہیں کہ فیملی کے افراد کو بلائیں، گپیں لگائیں اور سو جائیں؟
مزید پڑھیں:وزیراعظم شہباز شریف سے آرمی چیف جنرل عاصم منیر کی ملاقات
یاد رہے کہ چیف جسٹس عمر عطا بندیال کا کہنا تھا کہ میں ہر کسی کو گڈ ٹو سی یو کہتا ہوں، مجھے یہ کہنے پر تنقید کا نشانہ بنایا گیا، چیف جسٹس آف پاکستان نے پاکستان تحریک انصاف کے چیئرمین عمران خان کی عدالت میں پیشی پر انہیں دیکھ کر ’گڈ ٹو سی یو‘ کہا تھا۔
