گوگل نیوز پر ہمیں فالو کریںاسلام آباد: وزیر اعظم شہباز شریف سمیت ملک کی نامور شخصیات نے پشاور دھماکے کی سختی سے مذمت کرتے ہوئے اسے ملک دشمن اقدام قرار دیا ہے۔
تفصیلات کے مطابق وزیر اعظم شہباز شریف نے پشاور میں خود کش دھماکے کی سختی سے مذمت کرتے ہوئے کہا کہ پاکستان کے خلاف جنگ کرنے والوں کو نیست و نابود کردیں گے۔ اللہ تعالیٰ کے حضور سجدہ ریز مسلمانوں کا قتل قرآن کے خلاف ہے۔
اپنے مذمتی بیان میں وزیر اعظم شہباز شریف نے کہا کہ اللہ کے گھر کو نشانہ بنانا حملہ آوروں کی اسلام سے لاتعلقی ثابت کرتا ہے۔ دہشت گرد ملک کا دفاع کرنے والوں کو نشانہ بنا کر خوف پھیلانے کے خواہاں ہیں۔ ناحق خون بہانے والوں کو عبرت کا نشان بنا دیں گے۔
سماجی رابطے کی ویب سائٹ ٹوئٹر پر اپنے پیغام میں چیئرمین پی ٹی آئی عمران خان نے کہا کہ پولیس لائن پشاور کی مسجد میں دورانِ نماز دہشت گرد حملے کی شدید مذمت کرتا ہوں۔ میری دعائیں اور ہمدردیاں متاثرہ خاندانوں کے ساتھ ہیں۔
سابق وزیر اعظم عمران خان نے کہا کہ دہشت گردی کے بڑھتے ہوئے خطرے سے نمٹنے کیلئے لازمی ہے کہ ہم اپنی انٹیلی جنس میں بہتری لائیں اور پولیس کو مناسب اور ضروری سازوسامان سے لیس کردیا جائے۔
پولیس لائن پشاور کی مسجد میں دورانِ نماز دہشت گرد حملے کی شدید مذمت کرتا ہوں۔میری دعائیں اور ہمدردیاں متاثرہ خاندانوں کےساتھ ہیں۔ دہشتگردی کےبڑھتےہوئےخطرے سےنمٹنےکیلئےلازم ہےکہ ہم اپنی انٹیلی جنس میں بہتری لائیں اور اپنی پولیس کومناسب انداز میں ضروری ساز و سامان سےلیس کریں۔
— Imran Khan (@ImranKhanPTI) January 30, 2023
عوامی و سیاسی معاملات پر وزیر اعظم شہباز شریف کے مشیر امیر مقام نے پولیس لائنز پشاور کی مسجد میں خودکش حملے کی شدید الفاظ میں مذمت کرتے ہوئے کہا کہ شہداء کو خراجِ عقیدت اور متاثرہ خاندانوں سے ہمدردی و افسوس کا اظہار کرتا ہوں۔
پولیس لائنز، پشاورکی مسجد میں خودکش حملے کی شدید الفاظ میں مذمت ۔
شہدا کوخراج عقیدت اورمتاثرہ خاندانوں سےہمدردی اور افسوس کا اظہار کرتےہیں۔
نمازیوں کا لہو بہانے والے درندوں نے اللہ تعالی کے قہر کو آواز دی ہے
مسجد اورنماز کااحترام نہ رکھنےوالے بزدل دہشت گردہرگز مسلمان نہیں ہوسکتے— Amir Muqam (@AmirMuqamAM) January 30, 2023
اپوزیشن لیڈر سندھ اسمبلی حلیم عادل شیخ نے پشاور پولیس لائن میں دہشت گرد حملے کی مذمت کرتے ہوئے کہا کہ سندھ کے عوام کی طرف سے شہداء کے لواحقین سے تعزیت اور افسوس کا اظہار کرتا ہوں۔ دہشت گردی افسوسناک ہے۔
پشاور پولیس لائن میں دہشت گرد حملے کی مذمت کرتا ہوں سندھ کی عوام کی طرف سے شہداء کے لواحقین سے تعزیت و افسوس کا اظہار کرتا ہوں دہشتگردی کا واقعہ افسوسناک ہے، زخمیوں کی جلد مکمل صحتیابی کیلئے دعاگو ہیں
— Haleem Adil Sheikh (@HaleemAdil) January 30, 2023
وفاقی وزیرِ توانائی خرم دستگیر نے بھی پشاور میں ہونے والی دہشت گردی کی شدید مذمت کرتے ہوئے کہا کہ معصوم نہتے شہریوں کی شہادت پر دلی غم ہوا ہے۔ اللہ تعالیٰ شہداء کے درجات بلند فرمائے اور خاندانوں کو ہمت دے۔
][
پشاور مسجد میں ہونے والی دہشت گردی کی شدید مذمت
معصوم نہتے شہریوں کی شہادت پر دلی غم
اللہ تعالی شہداء کے درجات بلند کرے
خاندانوں کو ہمت دےاللہ تعالی زخمیوں کو جلد صحتیابی عطا کرے
پہلے بھی ہم نے دہشت گردی کے خلاف کامیابی حاصل کی
پھر پاکستان کو پر امن کریں گ
انشاءاللہ
][ pic.twitter.com/hutnxLXApW— Engr. Khurram Dastgir-Khan (@kdastgirkhan) January 30, 2023
کشمیری حریت رہنما یاسین ملک کی اہلیہ مشعال حسین ملک نے کہا کہ پشاور کی مسجد میں دھماکے سے متعدد معصوم افراد شہید اور زخمی ہو گئے۔ غصے اور درد سے دل خون کے آنسو رو رہا ہے۔ اللہ تعالیٰ رحم فرمائے (آمین)۔
Blast in #Peshawar Masjid, So many innocent people martyred and injured, heart bursting with pain and anger!! Ya Allah Reham Farma (Ameen ????) ????????????????#Peshawar | #PeshawarBlast | #Blast pic.twitter.com/3OuHMsraZ0
— Mushaal Hussein Mullick (@MushaalMullick) January 30, 2023
مسلم لیگ (ن) کے سینئر رہنما و سابق وزیر اعلیٰ پنجاب حمزہ شہباز نے کہا کہ پشاور خود کش دھماکہ بد ترین دہشت گردی ہے۔ اندوہناک واقعے کی جتنی بھی مذمت کی جائے، کم ہے۔ خیبر پختونخوا میں امن و امان کی صورتحال اور دہشت گردی انتہائی تشویشناک ہے۔
پشاور خودکش دھماکہ بدترین دہشتگردی ہے۔اس اندوہناک واقعے کی جتنی بھی مذمت کی جائے کم ہے۔خیبر پختونخوا میں امن و امان کی بگڑتی صورتحال اور دہشتگردی کے حالیہ واقعات انتہائی تشویشناک ہیں۔ اللہ تعالی زخمیوں کو جلد صحت، شہداء کے درجات بلند اور لواحقین کو صبر جمیل عطا فرمائے۔
— Hamza Shahbaz Sharif (@HamzaSS) January 30, 2023
