واشنگٹن: امریکا کی پہلی خاتون سیکریٹری خارجہ اور مسلمانوں سے اظہارِ یکجہتی کرنے والی اہم امریکی رہنما میڈلین البرائٹ 84 برس کی عمر میں انتقال کر گئی ہیں۔
امریکی صدر بل کلنٹن کے دور میں میڈلین البرائٹ نے پہلی خاتون سیکریٹری خارجہ کے طور پر 1997 سے لے کر 2001تک خدمات سرانجام دیں۔ امریکی تاریخ میں میڈلین البرائٹ کو ملک کی 64ویں سیکریٹری خارجہ کے طور پر یاد کیا جائے گا۔
اینٹ کا جواب پتھر، روس نے امریکی سفارت کاروں کو ملک بدر کردیا
بطور ماہرِ بین الاقوامی امور میڈیلین البرائٹ نے اقوامِ متحدہ میں بھی امریکا کی مستقل مندوب کی حیثیت سے ذمہ داریاں نبھائیں۔ 2017 میں میڈلین البرائٹ نے ایک ٹوئٹر پیغام کے ذریعے سارے عالمِ اسلام کی توجہ حاصل کر لی تھی۔
اپنے ٹوئٹر پیغام میں میڈلین البرائٹ کا کہنا تھا کہ میں نے عیسائیوں کے کیتھولک فرقے میں پرورش پائی اور بعد میں اسفقی بن گئی، پھر پتہ چلا کہ میں تو اصل میں یہودی ہوں۔ اظہارِ یکجہتی کیلئے خود کو مسلمان کے طور پر رجسٹر کرانے کو تیار ہوں۔
I was raised Catholic, became Episcopalian & found out later my family was Jewish. I stand ready to register as Muslim in #solidarity.
— Madeleine Albright (@madeleine) January 25, 2017