گوگل نیوز پر ہمیں فالو کریںاسلام آباد: وفاقی وزیر برائے سائنس و ٹیکنالوجی فواد چوہدری نے کہا ہے کہ کورونا وائرس کے علاج کیلئے پاکستان میں بنائے گئے وینٹی لیٹرز کی پہلی کھیپ رواں ہفتے این ڈی ایم اے (نیشنل ڈیزاسٹر مینجمنٹ اتھارٹی) کو دیں گے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر فواد چوہدری نے کہا کہ اللہ کا شکر ہے کہ ہم پاکستان میں بنائے گئے وینٹی لیٹرز کی پہلی کھیپ رواں ہفتے این ڈی ایم اےکے حوالے کریں گے جس کیلئے میں قومی ریڈیو ٹیلی کمیونیکیشن کارپوریشن کو بہت مبارکباد دیتا ہوں۔
وفاقی وزیر فواد چوہدری نے کہا کہ اگلے 2 ڈیزائنز بھی آخری مراحل میں ہیں جس کے بعد ہم دنیا کے ان چند ممالک میں شامل ہوں گے جو پیچیدہ طبی مشینیں بناتے ہیں۔ یہ تمام مشینیں یورپی یونین کے معیارات کے مطابق ہیں۔
الحمدللہ #MadeInPakistan #ventilators کی پہلی کھیپ NDMA کو اس ہفتے حوالے ہو جائیگی، #NRTC کو بہت مبارک اگلے تین ڈیزائن بھی آخری مراحل میں ہیں جس کے بعد ہم دنیا کے ان چند ممالک میں شامل ہوں گے جو پیچیدہ میڈیکل مشینیں بناتے ہیں، یہ تمام مشینیں EU Standards کے مطابق ہیں
— Ch Fawad Hussain (@fawadchaudhry) June 28, 2020
