گوگل نیوز پر ہمیں فالو کریںکراچی پولیس نے گٹکا مافیا کے خلاف بھرپور کارروائی کرتے ہوئے 1 ملزم کو گرفتار کر لیا ہے جبکہ الیاس عرف شیمپو سمیت 3 ملزمان موقعۂ واردات سے فرار ہونے میں کامیاب ہو گئے۔
تفصیلات کے مطابق شاہراہِ نور جہاں تھانے کی پولیس نے گٹکا مافیا کے خلاف کارروائی کرتے ہوئے ندیم نامی ملزم کو گرفتار کر لیا جبکہ مافیا کے 3 کارندے فرار ہونے میں کامیاب ہوئے جن میں یوسف، یاسر خان اور الیاس عرف شیمپو شامل ہیں۔
مقامی پولیس کے مطابق جس ملزم کو گرفتار کیا گیا، اس کا نام ندیم ہے جبکہ ملزمان مختلف اقسام کے گٹکوں کی خریدوفروخت میں ملوث ہیں۔ حکومت نے گٹکوں کی خریدوفروخت کو جرم قرار دیا ہے جس کے باعث گٹکا مافیا کے خلاف بڑے پیمانے پر کارروائی جاری ہے۔
یہ بھی پڑھیں: کراچی کے نجی اسکول میں 14 سالہ طالبہ سیڑھیوں سے گر کر جاں بحق
