گوگل نیوز پر ہمیں فالو کریںلاہور کے علاقے چوہنگ میں خاتون اسکول ٹیچر کو اس کے بھائی نے قتل کر دیا۔
پولیس کے مطابق 24 سالہ خاتون استاد زرقا جاوید کو جھگڑے کے بعد اس کے بھائی عثمان نے فائرنگ کرکے قتل کر دیا۔
پولیس نے بتایا کہ واقعہ کے بعد ملزم عثمان فرار ہوگیا، مقتولہ کی لاش پوسٹ مارٹم کے لیے منتقل کر دی گئی۔
پولیس کے مطابق مقتولہ کی والدہ کی مدعیت میں مقدمہ درج کرکے ملزم کی تلاش شروع کر دی گئی ہے۔
تاہم ابھی تک یہ واضح نہیں ہوسکا کہ بھائی بہن میں جھگڑے کی بنیاد کیا تھی۔ سفاک بھائی نے کس بنیاد پر جھگڑا کرکے آخر میں اپنی بہن کو اس طرح سفاکیت کے ساتھ گولیاں مار کر قتل کر دیا۔
پولیس حکام کے مقتولہ کی والدہ کی مدعیت میں مقدمہ درج کرنے کے بعد تفتیش شروع کر دی گئی ہے، جلد سفاک قاتل کی گرفتاری کے بعد تفتیش کی روشنی میں حقائق سامنے لائے جائیں گے۔
