اکشے کمار کو بھارتی وزیر اعظم کی بے جا تعریف مہنگی پڑ گئی، کے آر کے کی تنقید

نئی دہلی: بالی ووڈ اداکار اکشے کمار کو بھارتی وزیر اعظم نریندر مودی کی بے جا تعریف مہنگی پڑ گئی، فلمی ناقد و اداکار کمال راشد خان (کے آر کے) نے اکشے کمار پر کڑی تنقید کی ہے۔

سماجی رابطے کی ویب سائٹ ٹوئٹر پر اپنے پیغام میں کمال راشد خان نے کہا کہ جب ایک صحافی نے اکشے کمار سے پوچھا کہ بالی ووڈ عالمی سطح پر اتنا مشہور کیوں ہے؟ تو انہوں نے وزیر اعظم کا شکریہ ادا کیا۔

یہ بھی پڑھیں:

حکومت کی اکشے کمار کو شہریت دینے میں ٹال مٹول، کے آر کے کی تنقید

ٹوئٹر پیغام میں کے آر کے نے کہا کہ اکشے کمار سے بالی ووڈ کی شہرت کا پوچھا گیا تو کہنے لگے کہ وزیر اعظم نریندر مودی جی کا شکر گزار ہوں کہ انہوں نے دنیا بھر میں بالی ووڈ کو مشہور کردیا ہے۔

کمال راشد خان نے کہا کہ اکشے بھائی، مزہ آگیا۔ آپ نے سچ ہی کہا ہے کہ بالی ووڈ کو مشہور نریندر مودی نے کیا ہے۔ راج کپور، دلیپ کمار اور امیتابھ بچن کو برسہا برس تک بالی ووڈ میں اداکاری کا یہ صلہ ملا ہے۔

https://twitter.com/kamaalrkhan/status/1532244797322317825

خیال رہے کہ اس سے قبل بھارتی اداکار و فلمی ناقد کمال راشد خان نے بالی ووڈ کے کھلاڑی فنکار کو شہریت دینے میں مودی حکومت کی ٹال مٹول پر تنقید کرتے ہوئے کہا کہ بی جے پی حکومت اکشے کمار کا کام نہیں کررہی۔

سوشل میڈیا ویب سائٹ ٹوئٹر پر 2 ماہ قبل اپنے پیغام میں بالی ووڈ اداکار اور بھارتی حکومت دونوں کو تنقید کا نشانہ بناتے ہوئے کمال راشد خان نے کہا کہ میں اکشے کمار کو یاد دلاتا ہوں کہ آپ نے 3سال پہلے بھارتی شہریت کی واپسی کیلئے درخواست دی تھی۔