گوگل نیوز پر ہمیں فالو کریںاسلام آباد: سابق وفاقی وزیرِ ریلوے و مسلم لیگ (ن) کے سینئر رہنما خواجہ سعد رفیق نے حکومت سے مطالبہ کیا ہے کہ کورونا وائرس کے پیشِ نظر چین سے کم قیمت پر حفاظتی کٹس منگوائے۔
سماجی رابطے کی ویب سائٹ ٹوئٹر پر اپنے پیغام میں خواجہ سعد رفیق نے کہا کہ ڈاکٹرز، نرسز، پیرا میڈیکل اسٹاف اور ریسکیو اہلکاروں کے لیے حفاظتی کٹس نہ ہونے کے برابر ہیں۔
سابق وزیرِ ریلوے خواجہ سعد رفیق نے مطالبہ کیا کہ حفاظتی کٹس کم قیمت پر چین سے مہیا کروائی جائیں۔ حکومتیں جنگی بنیادوں پر مقامی سطح پر بھی کٹس تیار کروائیں۔
مسلم لیگ (ن) رہنما خواجہ سعد رفیق نے کہا کہ صوبائی و وفاقی حکومتوں کو مقامی سطح پر پرائیویٹ پارٹیز سے کٹس تیار کروانا ہوں گی جبکہ قوم کو تمام تر حفاظتی اقدامات سے آگاہ رکھا جائے۔
ڈاکٹرز نرسز پیرا میڈیکس پولیس اور ریسکیو اھلکاروں کے لئے حفاظتی کٹس نہ ھونے کے برابر ھیں
حفاظتی کٹس کم قیمت پر چین سے مہیا کرواٸ جائیں
حکومتیں جنگی بنیادوں پر مقامی سطح پر بھی پرائیویٹ پارٹیز سے حفاظتی کٹس تیار کروائیں
قوم کو تمام حفاظتی اقدامات سے آگاہ رکھا جاۓ
— Khawaja Saad Rafique (@KhSaad_Rafique) March 29, 2020
