گوگل نیوز پر ہمیں فالو کریںپاکستان کے معروف مصنف و ہدایت کار خلیل الرحمان قمر نے کہا ہے کہ ڈرامہ سیریل ’میرے پاس تم ہو‘ میں ایک مثبت پیغام تھا۔
متنازع مصنف خلیل الرحمٰن قمر کے کئی ڈراموں کا شمار انڈسٹری کے کامیاب ڈراموں میں ہوتا ہے جن میں صدقے تمہارے، میرے پاس تم ہو، پیارے افضل اور بنٹی آئی لو یو شامل ہیں۔
گزشتہ دنوں مصنف نے اپنے ڈرامے میرے پاس تم ہو کے حوالے سے گفتگو کی، انہوں نے کہا کہ اس ڈرامے نے دنیا کو ایک بہت اچھا پیغام دیا ہے، جیسے کہ عام طور پر ڈراموں میں دکھایا جاتا ہے کہ عورت پر تیزاب پھینکا جاتا ہے، اس کے ساتھ بدسلوکی کی جاتی ہے اور زرا سی بات پر اس کا غیرت کے نام پر قتل کردیا جاتا ہے۔
صبا قمر کا خواتین پر مبنی ڈرامہ ’سرِ راہ‘ شائقین میں مقبول ہوگیا
ڈرامہ سیریل میرے پاس تم ہو میں یہ پیغام تھا کہ اگر بیوی شوہر کو دھوکہ دیتی ہے تو شوہر کی زندگی ختم نہیں ہوتی، اس میں دکھایا گیا تھا کہ اگر بیوی آپ کو چھوڑ کر جارہی ہے تو اسے جانے دیں کیونکہ اس دنیا میں صرف ایک ہی رشتہ لازوال ہے اور وہ اللہ اور انسان کا ہے۔
خیال رہے کہ میرے پاس تم ہو کا شمار انڈسٹری کے کامیاب ڈراموں میں ہوتا ہے اس کی مقبولیت کا اندازہ اس بات سے لگایا جاسکتا ہے کہ ڈرامے کی آخری قسط کو سینما میں ریلیز کیا گیا تھا۔
