گوگل نیوز پر ہمیں فالو کریںکینیا نے ورلڈ کوائن کرپٹو کرنسی کو معطل کرنے کا فیصلہ کرلیا۔
گزشتہ روز کینیا کی وزارت داخلہ نے ایک بیان جاری کیا جس میں بتایا گیا کہ ڈیٹا تحفظات کی وجہ سے ورلڈ کوائن کرپٹو کرنسی کو معطل کیا جارہا ہے۔
بیان میں کہا گیا کہ کمپنی کی جانب سے جمع کردہ ڈیٹا پر تحقیقات کی جارہی ہیں جب تک اُس کے نتائج موصول نہیں ہونگے اس وقت کرپٹو تک کرنسی معطل رہے گی۔
اسپین کرپٹو کرنسی کو تیزی سے اپنانے والا دنیا کا 22 واں ملک بن گیا، تحقیق
یاد رہے کہ ڈیجیٹل کرنسی بٹ کوائن کے بعد ورلڈ کوائن نامی نئی کرپٹو کرنسی متعارف کرادی گئی ہے، ورلڈ کوائن نامی کرپٹو کرنسی کو اوپن اے آئی کے سی ای او سیم آلٹ مین نے متعارف کرایا ہے۔
رپورٹ کے مطابق مذکورہ پراجیکٹ کی بنیادی پیشکش اس کی ورلڈ آئی ڈی ہے، یہ ایک ایسا اکاؤنٹ ہے جو صرف حقیقی انسان ہی حاصل کرسکتے ہیں۔
ورلڈ آئی ڈی حاصل کرنے کے لیے خریدار ورلڈ کوائن کے ‘اورب’ کا استعمال کرتے ہوئے ذاتی طور پر آئیرس اسکین کرنے کے لیے سائن اپ کرتا ہے جو کہ چاندی کی گیند جو تقریباً باؤلنگ بال کے سائز کی ہوتی ہے۔
