کراچی،ایکسپو سینٹر میں قائم کورونا مریضوں کا فیلڈ اسپتال بند کردیا

کراچی:ملک میں کورونا وائرس کے مریضوں میں دوبارہ اضافے کے باوجود کراچی کے ایکسپو سینٹر میں قائم فیلڈ اسپتال کو بند کردیا گیا ہے۔

کورونا وائرس کی پہلی لہر کے بعد محکمہ صحت سندھ نے ہنگامی بنیادوں پر مارچ 2020 میں این سی او سی اور آرمی کے ساتھ مل کر ایکسپو سینٹر میں فیلڈ آئسولیشن اسپتال قائم کیا تھا۔

اسپتال میں 12 وینٹی لیٹرز، 140 آکسیجن والے ایچ ڈی یو اور 500 سے زائد آئسولیشن بستروں کی سہولت موجود تھی۔ایکسپو سینٹر فیلڈ آئسولیشن اسپتال پاک فوج سے محکمہ صحت کے حوالے کردیا گیا ہے۔

محکمہ صحت سندھ کے ذرائع کے مطابق فیلڈ اسپتال کو دوبارہ چلانے کا فیصلہ محکمہ صحت کے اعلی حکام اور وزیر اعلی سندھ کے مشترکہ اجلا س کے بعد کیا جا ئیگا۔

مزید پڑھیں: دُنیا بھر میں کورونا وائرس سے 11 کروڑ 77 لاکھ افراد متاثر، 26 لاکھ 12ہزارہلاک