گوگل نیوز پر ہمیں فالو کریںکراچی پولیس کا جرائم پیشہ عناصر کے خلاف کریک ڈاؤن جاری ہے جس کے دوران 6 ملزمان کو گرفتار کرکے ان کے قبضے سے اسلحہ، 2 کلوگرام چرس اور دیگر منشیات برآمد کر لی گئیں۔
تفصیلات کے مطابق شرافی گوٹھ پولیس نے مختلف کارروائیوں کے دوران 6 ملزمان کو حراست میں لے لیا جو اسٹریٹ کرائمز، منشیات فروشی اور گٹکا و ماوا کی فروخت میں ملوث تھے۔ گرفتار منشیات فروش محمد رفیق، یار محمد اور ندیم کے نام پولیس کو مطلوب منشیات فروشوں کی فہرست میں شامل تھے۔
گرفتار اسٹریٹ کریمنل عزیز زمان کراچی کے مختلف علاقوں میں عوام سے چھینا جھپٹی کی وارداتوں پر پولیس کو متعدد مقدمات میں مطلوب تھا۔ گرفتار ملزمان سے غیر قانونی اسلحہ و ایمونیشن، 2 کلو سے زائد چرس اور گٹکا و ماوا برآمد کیا گیا۔ گرفتار کیے گئے افراد عادی ملزمان ہیں اور درجنوں مقدمات میں جیل جاچکے ہیں۔
عزیز زمان ڈکیتی اور ناجائز اسلحہ رکھنے سمیت متعدد مقدمات میں پولیس کو مطلوب تھا۔ گرفتارملزمان کے خلاف مقدمات درج کر لیے گئے جن پر تفتیش جاری ہے۔ اسٹریٹ کرمنل سے برآمدہ اسلحہ فانزک کیلئے روانہ کردیا گیا۔ پولیس کا کہنا ہے کہ ملزمان سے تفتیش میں مزید انکشافات متوقع ہیں۔
یہ بھی پڑھیں: گلشن حدیدزیادتی کیس،متاثرہ لڑکی نے اصل ملزم چھوڑکرپڑوسیوں کو پھنسادیا
