گوگل نیوز پر ہمیں فالو کریںبھارتی اداکارہ کنگنا رناوت بجلی کا بل 1 لاکھ آنے پر شرمندہ ہوگئیں، کنگنا نے مودی حکومت پر سوال اٹھاتے ہوئے بل بھیجنے والوں کو بھیڑیا قرار دے دیا۔
تفصیلات کے مطابق بھارتی ریاست ہماچل پردیش کے علاقے ٹاؤن منڈی میں جلسے سے خطاب کے دوران اداکارہ کنگنا رناوت نے کہا کہ میرے منالی والے گھر کا بجلی کا بل ایک لاکھ روپے آگیا جہاں میں رہتی بھی نہیں ہوں۔
View this post on Instagram
اداکارہ کنگنا رناوت نے کہا کہ بجلی کا بل دیکھ کر شرمندگی محسوس ہوتی ہے کہ یہ ہو کیا رہا ہے؟ ہم سب کا فرح ہے کہ ہم بھارت کو، اس ریست کو ترقی کی راہ پر لے کر جائیں، میں کہوں گی کہ یہ بھیڑیے ہیں اور بھارت کو ان کے پنجوں سے آزاد کرنا ہوگا۔
دلچسپ طور پر کنگنا رناوت بھارت کی حکمراں جماعت بی جے پی کی ہی رکن پارلیمنٹ ہیں اور اب مودی حکومت کو ہی آئینہ دکھا دیا۔ ماضی میں بھی یہ اداکارہ اپنے مختلف بیانات کے باعث عوام کی توجہ حاصل کرنے اور شہ سرخیوں کا حصہ بننے میں کامیاب رہی ہیں۔
View this post on Instagram
جلسے سے خطاب کے دوران اداکارہ نے کہا کہ ہم پڑھتے ہیں اور شرمندگی ہوتی ہے کہ یہ کیا ہورہا ہے۔ پر میرے پاس ایک موقع ہے۔ آپ سب جو میرے بھائی بہن ہیں، آپ لوگ گراؤنڈ پہ اتنا کام کرتے ہیں، یہ ہم سب کا ہی فرض ہے کہ ہم اس ملک کو ترقی کے راستے پر چلائیں۔
