گوگل نیوز پر ہمیں فالو کریںبالی ووڈ اداکارہ کنگنا رناوت کورونا وائرس کا شکار ہو گئیں تاہم انہوں نے اپنے مداحوں سے حوصلے جوان رکھنے کی اپیل کرتے ہوئے کہا کہ مجھے ایک قلیل مدتی فلو کے علاوہ کچھ نہیں ہوا۔
فوٹو شیئرنگ پلیٹ فارم انسٹا گرام پر اپنے پیغام میں اداکارہ کنگنا رناوت نے مداحوں کو اپنے کورونا وائرس ٹیسٹ کا نتیجہ مثبت آنے کی افسوسناک خبر سناتے ہوئے کہا کہ میں تھکاوٹ اور کمزوری کے ساتھ آنکھوں میں جلن محسوس کر رہی تھی۔
پیغام میں اداکارہ کنگنا رناوت نے کہا کہ گزشتہ کچھ روز سے کمزوری، تھکاوٹ اور جلن کی تینوں علامتیں مجھے پریشان کررہی تھیں جبکہ ٹیسٹ کیلئے مجھے ہماچل پردیش جانا تھا۔کل میرا کورونا ٹیسٹ ہوا جس کا نتیجہ آج میرے پاس آیا ہے۔
اداکارہ کنگنا نے کہا کہ میرا کورونا وائرس ٹیسٹ کا نتیجہ مثبت آگیا ہے۔ میں وائرس کی عمارت جلد زمیں بوس کردوں گی۔ خود کو قرنطینہ کر لیا ہے جبکہ اس سے قبل مجھے کوئی اندازہ نہیں تھا کہ وائرس میرے جسم کے اندر مستی کر رہا ہے۔
View this post on Instagram
کنگنا رناوت نے کہا کہ اب مجھے وائرس کا پتہ چل گیا ہے جسے میں ختم کردوں گی۔ آپ کسی چیز کو خود پر قابو پانے میں کامیاب نہ ہونے دیں۔ اگر آپ ڈر گئے تو وائرس آپ کو اور ڈرائے گا۔ آئیے کورونا وائرس کو مل کر تباہ کردیں۔
یہ بھی پڑھیں: کورونا کے بڑھتے کیسز، ہالی ووڈ اداکارہ جینیفر کی مداحوں سے بھارت کی مدد کی اپیل
