کامران اکمل کے والد ہسپتال منتقل، عوام سے دعاؤں کی درخواست

قومی کرکٹ ٹیم کے سابق وکٹ کیپر اور بیٹر کامران اکمل کے والد کی طبیعت ناساز ہے جس پر معروف کرکٹر نے عوام سے دعاؤں کی درخواست کی ہے۔

سماجی رابطے کی ویب سائٹ ٹوئٹر پر اپنے پیغام میں سابق بیٹر کامران اکمل نے کہا کہ میں ہر ایک سے درخواست کرتا ہوں کہ براہِ کرم میرے والد کی صحتیابی کیلئے دعا کریں جو ہسپتال میں داخل ہیں۔ 

یہ بھی پڑھیں:

فیفا ورلڈکپ 2022، تماشائیوں کو کون سی سہولیات دستیاب ہونگی؟

Aslaam o Alaikum humble request to all please pray for my father’s recovery as he is in hospital ????????????????

— Kamran Akmal (@KamiAkmal23) June 27, 2022

واضح رہے کہ کامران اکمل کا شمار قومی کرکٹ ٹیم کے اہم بیٹرز اور وکٹ کیپرز میں کیا جاتا ہے جس نے 13 جنوری 1982 کو پنجاب کے صوبائی دارالحکومت لاہور میں آنکھ کھولی۔

حیرت انگیز طورپر قومی کرکٹ ٹیم کے موجودہ کپتان بابر اعظم کامران اکمل کے کزن جبکہ سابق بیٹر عمر اکمل بھائی ہیں۔ کامران اکمل نے کرکٹر کے طور پر پاکستان کی 15سال تک نمائندگی کی۔

پاکستان کے سابق بیٹر کامران اکمل نے 9نومبر کو اپنا پہلا ٹیسٹ میچ جبکہ 23 نومبر 2002کو اپنا پہلا ون ڈے زمبابوے کے خلاف کھیلا۔ آخری بار انہیں 11اپریل 2017کو ویسٹ انڈیز کے خلاف ون ڈے کھیلتے دیکھا گیا تھا۔ 

دوسری جانب کامران اکمل نے پاکستان سپر لیگ میں بھی کرکٹ کے شائقین کو اپنے کھیل سے تعریف پر مجبور کیا ہے اور سپر لیگ کے اب تک کے آخری سیزن میں بھی انہیں متحرک دیکھا گیا تھا۔