گوگل نیوز پر ہمیں فالو کریںاسلام آباد: اے آر وائے نیوز کے سینئر اینکر پرسن چوہدری غلام حسین کو گلبرگ کے علاقے سے ایف آئی اے نے تحویل میں لے لیا۔
ذرائع کے مطابق چوہدری غلام حسین کے بیٹے عمر نے بتایا کہ چوہدری غلام حسین کو گلبرگ سے ایف آئی اے نے حراست میں لے لیا ہے۔
ذرائع کے مطابق چوہدری غلام حسین مقدمہ نمبر 94/2011 میں کمرشل بینکنگ سرکل لاہور کو مطلوب تھے۔ چوہدری غلام حسین نے سال 2003 میں جعلی دستاویزات کےعوض بینک سے 05 کروڑ 70 لاکھ کا قرض لیا تھا۔
مقدمے میں چوہدری غلام حسین کے دو بیٹے بھی اشتہاری ہیں۔ چوہدری غلام حسین کے مقدمہ ہذا میں بینکنگ کورٹ -1 لاھور نے دائمی وارنٹ (ناقابل ضمانت وارنٹ ) جاری کیے ہوئے تھے۔
مزید پڑھیں:ارشد شریف کے پوسٹ مارٹم کی ابتدائی رپورٹ سامنے آگئی
چوہدری غلام حسین کے بیٹے عمر کا کہنا تھا کہ تیس سے چالیس افراد نے کافی شاپ سے والد کو تحویل میں لیا، تاہم اس حوالے سے مزید تفصیلات معلوم کی جارہی ہیں۔
