گوگل نیوز پر ہمیں فالو کریںملک بھر میں بجلی کے بھاری بھر کم بلو کے باعث ہر شخص پریشان ہے، جبکہ احتجاجی مظاہروں کا سلسلہ بھی جاری ہے، ایسے میں شوبز انڈسٹری سے تعلق رکھنے والی شخصیات بھی خاموش نہیں ہیں۔
سینئر اداکارہ جویریہ سعود نے بھی بجلی کے بڑے بڑے بلوں کے خلاف انوکھے انداز میں طنز کیا ہے، ان کی جانب سے کیا گیا تبصرہ سوشل میڈیا پر کافی مقبول ہورہا ہے۔
View this post on Instagram
سوشل میڈیا پلیٹ فارم انسٹا گرام پر اداکارہ جویریہ سعود نے اپنی ایک ویڈیو پوسٹ کی ہے، جس میں دیکھا جا سکتا ہے کہ وہ بجلی کے زیادہ آنے والے بلوں پر طنز کررہی ہیں۔
سامنے آنے والی ویڈیو میں دیکھا جاسکتا ہے کہ اداکارہ کہہ رہی ہیں کہ لگتا ہے کہ اس ماہ جو ہم نے سانس لی ہے اُس کا بل بھی آگیا ہے۔ صارفین نے اداکارہ کی ویڈیو کو اس قدر پسند کیا کہ اسے دیگر سوشل میڈیا پلیٹ فارم پر بھی شیئر کیا جارہا ہے۔
اداکارہ جویریہ سعود کی جانب سے شیئر کی گئی ویڈیو پر ان کے چاہنے والوں کی جانب دلچسپ کمنٹس کا سلسلہ جاری ہے۔
