جماعت اسلامی یوسی ون، نارتھ کراچی کی جانب سے اجمیر نگری تا باباموڑ سڑک کی ازسرنو تعمیر کے لئے الحمید اسکول پر ایک احتجاجی مظاہرہ کیا گیا۔

احتجاجی مظاہرے سے امیر جماعت اسلامی ضلع شمالی محمد یوسف نے خطاب کرتے ہوئے کہا کہ یہ سڑک کئی سالوں سے تباہی کا شکار ہے مگر سندھ حکومت اس طرف کوئی توجہ نہیں دے رہی ہے۔

یہ بھی پڑھیں:

انکا کہنا تھا کہ سڑک کی خستہ حالی کی وجہ سے نارتھ کراچی کے 15 سیکٹرز اور لاکھوں کی آبادی ایک عذاب کا شکار ہے۔ بائیک چلانے والے افراد کمر کی تکلیف میں مبتلا ہیں۔ کار اور گاڑی والے سسپنشن کے کام سے پریشان ہیں۔ لوگ نقل مکانی کررہے ہیں اور مکانات کی قیمتیں شہر کے دوسرے علاقوں کے مقابلے میں مسلسل گررہی ہیں۔

انہوں نے شرکاء پر زور دیا کہ وہ اپنے حقوق کے لئے اٹھ کھڑے ہوں کیونکہ ٹوٹی پھوٹی سڑکیں اور ابلتے گڑ انکا مقدر نہیں ہے۔ انہوں نے عوام سے اپیل کی کہ 15 جنوری کو ہونے والے الیکشن میں جماعت اسلامی کے نامزد امیدواراوں کو ووٹ دیں تاکہ حافظ نعیم الرحمن مئیر بن کر ان مسائل کو حل کرسکیں۔

اس موقع پر جماعت اسلامی کے ناظم علاقہ نارتھ کراچی علی ارشد، نامزد چیئرمین یوسی 1 ساجد حسن اور نامزد وائس چئیر سید محمد کاشف بھی موجود تھے۔