ن لیگ سے پرانی دوستیاں، میرا جہاز کسی بھی طرف جا سکتا ہے، جہانگیر ترین

لاہور: پاکستان تحریک انصاف کے سابق رہنما جہانگیر ترین کا کہنا ہے کہ ن لیگ سے دوستیاں پرانی ہیں اور ایسے ہی چلیں گی، ن لیگ میں شمولیت کے سوال پر مسکرا کر ٹال گئے۔

مسلم لیگ (ن) کے رہنما خواجہ سعد رفیق کی بیٹی کی شادی کی تقریب میں جہانگیر ترین بھی شریک ہوئے اس موقع پر صحافیوں کے سوالوں کے جواب دیتے ہوئے جہانگیر ترین نے کہا کہ خواجہ سعد رفیق میرے بھائی ہیں اور اکٹھے فیملی میں رہ چکے ہیں۔

ان کا کہنا تھا کہ ن لیگ سے دوستیاں پرانی ہیں اور ایسے ہی چلیں گی،ایک اور سوال کے جواب میں جہانگیر ترین کا کہنا تھا کہ جہاز تو کسی بھی طرف جا سکتا ہے۔

مزید پڑھیں:حکومت نے جہانگیر ترین کو منالیا، اختلاف ختم،معاملات طے پاگئے

واضح رہے کہ وفاقی وزیر منصوبہ بندی اسد عمر کا کہنا ہے کہ سندھ کا پاکستان پر اتنا ہی حق ہے جتنا دوسرے صوبوں کا ہے، وزیراعظم نے کسی ایک صوبے کو نہیں بلکہ تمام صوبوں کو برابری کے حقوق دلائے ہیں۔ انہوں نے کہا کہ وزیراعظم عمران خان جہانگیر ترین سے نہ انتقام لینا چاہتے ہیں اور نہ ان کو رعایت دیں گے۔

وفاقی وزیر منصوبہ بندی کا کہنا تھا کہ وزیر اعظم عمران خان کا مشن ہی انصاف کے ساتھ چلنا اور تمام صوبوں کو انصاف کے ساتھ چلانا ہے، گزشتہ مہینے عمران خان نے سندھ کی ترقی کے سفر کا جو اعلان کیا تھا، اس کا آغاز ہو چکا ہے اور اس میں مزید تیزی لائی جائے گی۔