گوگل نیوز پر ہمیں فالو کریںاسلام آباد:پاکستان تحریکِ انصاف کے سینئر مرکزی رہنما جہانگیر خان ترین نے کہا ہے کہ ای سی سی کے اجلاس کےدوران کسانوں کے حق میں بہترین فیصلہ کیا گیا، حکومت کو مبارکباد دیتے ہیں۔
سماجی رابطے کی ویب سائٹ ٹوئٹر پرگزشتہ روز اپنے پیغام میں سینئر مرکزی رہنما جہانگیر ترین نے کہا کہ کھاد کے شعبے میں گیس ڈویلپمنٹ سرچارج ختم کردیا گیا۔ یہ فیصلہ کسانوں کے لیے خوش آئند ہے۔
پی ٹی آئی رہنما جہانگیر خان ترین نے کہا کہ یہ کسان دوست فیصلہ کھاد کی قیمتوں میں کمی کا باعث بنے گا جس سے یوریا کھاد فی بوری 400 روپے سستی ہوجائے گی۔
جہانگیر خان ترین نے کہا کہ اِس فیصلے پر مشیر خزانہ حفیظ شیخ کی زیر صدارت ای سی سی مبارکباد کی مستحق ہے جبکہ فیصلے سے ملک بھر کے کسانوں کو ریلیف ملے گا۔
Congratulation to ECC for making an excellent decision by abolishing the Gas Infrastructure Development Cess on fertiliser. This landmark Farmer friendly move will result in a Rs 400 per bag decrease in price of urea Fertliser. A big relief for farmers across Pakistan ????
— Jahangir Khan Tareen (@JahangirKTareen) January 20, 2020
یاد رہے کہ اس سے قبل مشیرِ خزانہ ڈاکٹر عبدالحفیظ شیخ کی زیر صدارت کابینہ کی اکنامک کو آرڈینیشن کمیٹی (ای سی سی) کا اجلاس ہوا جس کے دوران 3 لاکھ ٹن گندم درآمد کرنے کی منظوری دی گئی۔
کابینہ کی اکنامک کو آرڈی نیشن کمیٹی (ای سی سی) کے اجلاس میں 6 نکاتی ایجنڈے کا جائزہ لیا گیا جس میں لاہور گارمنٹ سٹی کے قرض پر تکنیکی معاملات بھی زیر غور آئے۔
مزید پڑھیں: ای سی سی اجلاس میں 3 لاکھ ٹن گندم درآمد کی منظوری
