پاک فوج سیاست میں مداخلت نہیں کرنا چاہتی، نہ کریگی۔آئی ایس پی آر

راولپنڈی: پاک فوج کے شعبۂ تعلقاتِ عامہ (آئی ایس پی آر) کا کہنا ہے کہ پاک فوج سیاست میں مداخلت نہیں کرنا چاہتی، نہ ہی کرے گی۔

تفصیلات کے مطابق گزشتہ روز ڈائریکٹر جنرل آئی ایس پی آر میجر جنرل بابر افتخار نے اپنے ایک بیان میں کہا کہ پاک فوج سیاست میں مداخلت کی خواہاں نہیں، نہ ہی ایسا کیا جائے گا۔ سیاسی مسائل سیاستدانوں کو آپس میں حل کرنا ہوں گے۔

  یہ بھی پڑھیں:

سوشل میڈیا پر توہین آمیز مہم نا قابل قبول ہے، آئی ایس پی آر

ڈی جی آئی ایس پی آر نے کہا کہ اگر پاکستان کو کوئی معاشی فائدہ پہنچ سکتا ہے تو جو کوشش کرسکتے ہیں، کریں گے۔ آرمی چیف جنرل قمر جاوید باجوہ نے سعودی عرب اور یو اے ای حکام سے بات چیت کی تھی۔ کچھ روز میں اچھی ڈویلپمنٹ نظر آئے گی۔

خیال رہے کہ اس سے قبل ترجمان پاک فوج میجر جنرل بابر افتخار کا کہنا تھا کہ لسبیلہ ہیلی کاپٹر حادثے کے بعد سوشل میڈیا مہم افسوسناک ہے جس سے شہداء کے لواحقین کی دلآزاری ہوئی۔ افواجِ پاکستان میں شدید غم و غصہ ہے۔ 

ڈائریکٹر جنرل آئی ایس پی آر میجر جنرل بابر غفور کا کہنا تھا کہ کچھ بے حس حلقوں کی جانب سے سوشل میڈیا پر تکلیف دہ اور توہین آمیزمہم جوئی کی گئی جو ناقابل قبول اور شدید قابلِ مذمت ہیں۔